Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste reprezenta hosi S.E. Sekretáriu Rejionál Adjuntu PA Asuntu Sosiais Sr. Maximiano Neno, iha segunda-feira ne’e hala’o enkontru hanesan simu vizita hosi Diretor Country OXFAM Sra. Lyn June Morgain, akompaña hosi Xefe Gabinete Prezidente Autoridade RAEOA Sra. Maria José Reis no Xefe Gabinete Sekretáriu Rejionál Adjuntu PA Asuntu Sosiais Sr. Aleixo Fernandes Caet, iha Gabinete Prezidente Autoridade Oébau Oé-Cusse.

Lyn June Morgain relata objetivu prezensa iha RAEOA hosi OXFAM Australia, no OXFAM Timor leste liuliu iha Oé-cusse hala’o enkontru apresiasaun ba kooperasaun servisu hamutuk durante tinan barak. No ba oinsá atu kontinua kooperasaun di’ak liután iha futuru oin mai. Preoridade Oxfam durante ne’e maka suporta ona povu Timor leste liuhosi nia programa sira hanesan prepara formasaun no fó asisténsia umanitária, projetu rezilensia urbana no rurál, programa apoiu empoderamentu inan feto sira, no agrikultura.

Sekretáriu Rejionál Adjuntu PA Asuntu Sosiais Maximiano Neno vizita Diretora Country iha RAEOA, hanesan vizita atu fó apresiasaun ba servisu hamutuk ne’ebé Oxfam halo ho Guvernu Timor leste liuliu iha rejiaun Oé-cusse.

Iha biban ne’e Autoridade mós fó apresiasaun no kolaborasaun di’ak servisu hamutuk iha tinan barak nia laran hahú ukun rasik an Oxfam eziste ona fó suporta programa oioin ba prosesu dezenvolvimentu Timor leste.

Ami mós diskute kolaborasaun iha futuru oinsá RAEOA ho Oxfam hametin liu tan servisu kolaborasaun atu prioridade saida maka tenke halo ita husu apoiu maibé tenke ba hare ho prioridade atu servisu tuir koridor to’o no enkontru ne’e presiza kontinua nune’e bele hare rekomendasaun sira hodi bele tau iha prátika.