RAEOA, 11 Setembru 2023
Prezidente Autoridade Rejiaun Administrativa Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste lideradu S.E. Arsénio Paixão Bano, halo klarifikasaun ba Publiku katak servidór Estadu hotu-hotu kada tinan iha direitu atu goza férias anuais durante loron 20 tuir lei ne’ebé vigóra iha Timor-Leste.
Molok foti lisensa, Gabinete Prezidente Autoridade submete karta pedidu autorizasaun atu goza férias ho nú referénsia 107/RAEOA e ZEESM TL/VIII/2023 ho data 31 agostu 2023, dirije ba Gabinete Primeiru Ministru no hetan despacho hosi Primeiru Ministru ho nú referénsia 262/GPM/IX/2023 ho data 1 setembru 2023 ho despacho autorizadu bele férias durante loron Hitu (7) útil hahú husi loron 6 setembru 2023. Ho nune’e atual Prezidente Autoridade sei goza nia férias ho billete regresu mai Timor-Leste iha loron 14 setembru 2023.
