Dili; 25 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, sorumutu ho S.E. Sekretáriu Estadu Kooperativa-SECOOP Sr. Arsénio Perreira ho komitiva akompaña hosi S.E Sekretáriu Rejionál Asuntu Agrikultura Sr. Jose Eta no S.E Sekretáriu Rejionál Asuntu Komersiu no Industria Sr. Pedro da Cunha B. da Silva iha Gabinete Prezidente Autoridade Oébau.Autoridade RAEOA no ZEESM TL apresia apoiu SECOOP iha RAEOA durante ne’e.Agradese apoiu iha fasilita formasaun grupu kooperativa iha RAEOA hatudu pozitivu tanba kuaze barak la’o makas ona.
Entretantu sorumutu ne’e atu aprezenta objetivu vizita SECOOP iha RAEOA maka kontinua programa governu anteriór fasilita formasaun ba grupu kooperativa produtivu no kréditu sira ba iha jestaun administrasaun no finansas. Relata mós iha fulan Outubru tinan ne’e SECOOP sei destaka funsionáriu na’in hitu iha RAEOA, SECOOP mós relata sei ba vizita grupu kooperativa produtivu ne’ebé prodús jarga no grupu kooperativa sira seluk ne’ebé eziste iha RAEOA.
