RAEOA; 19 Outubru 2023
S. E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretáriu Rejional Komersiu no Industria, Sr. Pedro da Cunha B. da Silva, no Xefe Departamentu EPCC halo vizita ba projetu konstrusaun estrada rurál Suku Usi-Tasa’e Sub-rejiaun Oésilo liga ba Suku Lelaufe Sub-rejiaun Nitibe atinji ona 65%.
Iha vizita ne’e atu hare direita progresu servisu projetu konstrusaun refere ne’ebé atinji ona porsentu neen nulu 65% no estrada ne’e sei fasilita asesu komunidade iha tempu udan, no hein katak molok tempu udan estrada refere bele finaliza atu bele fasilita movimentu komunidade hosi suku Banafi, Lelaufe no Malelat.
Entretantu projetu konstrusaun ne’e ezekuta hosi empreza Kompañia Lifau Indah Unip Lda ho valór kontratu $ 735,776.66, distánsia Kilometru 5,500 ho durasaun kontratu fulan 12.
Media GPA
José Mala
