S. E Prezente Autoridade Rejiaun Administrativu Espesial Oe-cusse Ambenu (RAEOA) no Zona Espesial Ekonomia Sosial Merkadu (ZEESM) Timor-Leste reprezenta hosi Sekretáriu Rejionál Adjunta PA Asuntu Reforsu Institusionál Sra. Leonia da Costa Monteiro, S.E Sekretáriu Rejional Adjuntu PA Asuntu Sosiais Sra. Maximiano Neno, S.E Sekretáriu Rejionál Asuntu Edukasaun no Solidariedade Sosial Sra. Abelina da Costa, akompaña hosi Diretor Rejional Infraestrutura Sr. Candido dos Reis Amaral, no Diretor Rejional Edukasuan Sr. Daniel Mauno lansa fatuk dauluk ba projetu konstrusaun eskola EBF 30 de Agostu, EPE Masin no EPE Oetulu Suku Costa.

Projetu konstrusaun eskola tolu ne’e konstrui iha bairo masin no bairo Oetulu aldeia Sanane Suku Costa Sub-rejiaun Pante makassar tanba populasaun barak, ho eskola hirak ne’e hanesan investimentu ida ba futuru.

Konstrusaun eskola pre-eskolár (EPE) Oetulu ho masin populasaun hein kleur tebes duni atu asesu ba eskola, la presiza la’o do’ok ona, tanba iha bairo Oetulu no Masin inklui populasaun barak no labarik idade asesu eskola pre-eskolár, wainhira harii eskola ne’e investe ba oan sira nia futuru no ita-nia futuru, nune’e kuandu eskola ne’e finaliza oan sira bele ona utiliza eskola refere labele iha uma ne’e importante tanba bainhira rai ne’e susar ba osan presiza ema matenek atu bele buka osan no kuandu matenek bele mós buka osan rasik hodi sustenta ba an rasik ne’e presiza aproveita didi’ak.

Nia hatutan eskola hirak ne’e sei fasilita estudante sira asesu edukasaun besik iha hela fatin la presiza la’o ho distánsia dook.

Prezidente Autoridade mós rekomenda ba populasaun iha Oetulu no masin atu labele tesi ai beibeik iha foho iha tempu udan rai ne’e monu lori rai taka mota no bee dalan laiha bele estraga eskola no estraga uma komunidade sira.

Entretantu eskola EBF 30 Agostu masin, manán hosi kompañia Neon Bahan Unip Lda, durasaun kontratu fulan haat no valór kontratu $ 84, 886.58. Eskola EPE Masin manán hosi kompañia Loro Ti’as Unip Lda ho durasaun kontratu fulan haat, ho valór kontratu kuaze $ 83, 099.98. No eskola EPE Oetulu manán hosi kompañia Leorota Unip Lda ho durasaun kontratu fulan haat no valór kontratu $ 79, 541.16

Partisipa iha serimónia lansamentu refere maka Prezidnete Autoridade, membru Autoridade, Diretores rejionais, Xefe Departamentu, lia na’in no komunidade iha fatin refere.