RAEOA: 16 Outubru 2023
S. E Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, akompaña membru Autoridade no partisipa hosi Asesor Ministerio Interior Sr. Julio Tomas Pinto segunda-feira ne’e fiskaliza projetu reabilitasaun estrada nasionál Tono Suku Cunha Sub-rejiaun Pante makasar ligadu ba suku Bobometo Sub-rejiaun Oésilo ho kilómetru hitu 16 atinji ona 5,4%.
Iha fiskalizasaun ne’e atu hare direita pontu situasaun projetu reabilitasaun estrada nasionál Tono-Oésilo nia progresu servisu ne’ebé atinji ona 5,4% atu fó hanoin empreza atu aselera servisu, atu kumpre ba kontratu no tuir materiál espesifikasaun ne’ebé maka define ona iha kontratu. Projetu estrada nasionál Tono-Oésilo atu fasilita asesu komunidade ba fronteira no asesu mós ba merkadu.
Projetu reabilitasaun estrada nasionál Tono -Oésilo ezekuta hosi PT Waskita Karya ho distánsia kilómetru 16 valór kontratu $33 míl ho durasaun kontratu durante tinan rua. Orsamentu Autoridade RAEOA prevee hosi Orsamentu Jeral Estadu 2023 nian.
