RAEOA; 20 Outubru 2023
S. E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E Sekretáriu Rejional Adjunta PA Asuntu Reforsu Institusional Sra Leonia da Costa Monteiro, S.E. Sekretáriu Rejional Adjuntu PA Asuntu Sosiais Sr. Maximiano Neno no S.E. Sekretáriu Rejional Asuntu Administrasaun Sra. Martinho Abani Elu, enkontru ho S.E Sekretáriu Estadu Protesaun Civil Sr. Domingos Mariano Reis iha gabinete Prezidente Autoridade Oébau.
Prezidente Autoridade RAEOA no ZESSM TL apresia ba intervensaun APC ba dezastre naturais iha RAEOA no agradese ba vizita Sekretariu Estadu Protesaun Civil mai hare diretu situasaun iha Oé-cusse liuliu hare iha servisu Autoridade Protesaun Civil.
Ha’u mós agradese ba servisu Autoridade Protesaun Civil tanba sira nia intervensaun sempre lais no iha koordenasaun di’ak ho entidades ne’ebé servisu hamutuk ho Protesaun Civil. Ha’u mós informa kona-ba lideransa Komendante Autoridade Protesaun Civil RAEOA Sr. Herman Metan kona-ba servisu dezastre naturais nian barak konsege rezolve ho tempu ne’ebé lais.
Agradese mós ba Sekretariu Estadu Protesaun Civil tanba apoiu intervensaun ne’e lais no apoiu sufisiente hosi servisu sentrál liuliu ba asuntu dezastre hotu-hotu dezde APC eziste iha RAEOA.
Enkuantu ba rekomendasaun no sujestaun ba rai atu konstrui edifísiu APC no sentru formasaun espesiál iha RAEOA ita sei buka no hare tanba presiza envolve entidades relevantes sira hotu iha RAEOA.
Entretantu Sekretariu EstaduProtesaun Civil Domingos Mariano Reis hatete katak prezensa iha RAEOA asuntu tolu importante tebes. Enkontru ho Prezidente Autoridade RAEOA atu husu apoiu rai pedasuk ida atu harii edifísiu Autoridade Protesaun Civil sentru evakuasaun no sentru treinamentu ba unidade espesiál sira iha Oé-cusse. No sorin seluk mós vizita ne’e atu observa kondisaun Autoridade Protesaun Civil iha Oé-cusse no atu halo asaun karidade ba família dezastre naturais iha suku Lalisuk sub-rejiaun pante makassar relasiona ho loron mundiál ba dezastre naturais ne’ebé sei komemora iha loron 25 Outubru Kribas Munispiu Manatutu.
Media GPA
José Mala
