RAEOA: 05 Jullu 2023
Sua Exelênsia Prezidente Autoridade Rejiaun Administrativu Espesiál Oe-cusse Ambenu (RAEOA) no Zona Espesial Ekonómia Sosiál Merkadu (ZEESM) Timor-Leste Arsénio Paixão Bano, akompaña hosi Koordenador UTA Sr. Rui Pinto no Xefe Departamentu Estrada Ponte Kontrolu e Cheias Sr. Camilo D. J. Quefi Kuarta-feira ne’e vizita Projetu Konstrusaun Reabilitasaun Estrada Nasionál Tono Suku Cunha sub-rejiaun Pante makassar -Sub-rejiaun Oésilo, suku Bobometo hosi PT Waskita Karya hahú halo servisu dezde fulan kotuk.
Iha vizita ne’e tékniku hosi empreza PT Waskita Karya aprezenta progresu servisu ne’ebé hala’o durante ne’e ba Prezidente Autoridade RAEOA no ZEESM TL maka toolbox Meeting, Stake Out Benchmark, Stake Out Situation, borlog Kinloki, alternative Road plan, no sorin seluk sei halo mós mobilizasaun materiál hosi Nasaun indonézia.
Enkuantu projetu konstrusaun reabilitasaun estrada nasionál Tono Oésilo ezekuta hosi PT Waskita Karya medida naruk Kilometru 18, durasaun kontratu multi- anuál, ho valór kontratu millaun $33, prevee hosi orsamentu jerál estadu 2022. Projetu refere lansa iha loron 15 fulan maiu 2023.
