Sua Exelensia Prezidente Autoridade Rejiaun Administrativu Espesial Oe-cusse Ambenu (RAEOA) no Zona Espesial Ekonomia Sosial Merkadu (ZEESM) Timor-Leste Arsénio Paixão Bano, akompaña hosi Xefe Departamentu Estrada Ponte Kontrolu e Cheias Sr. Camilo D. J. Quefi segunda-feira ne’e vizita projetu konstrusaun reabilitasaun estrada nasionál pakote A diresaun hosi sub-rejiaun Pante makassar -Sub-rejiaun Nitibe atinji 34%.

Objetivu hosi vizita ne’e Prezidente Autoridade atu hare direta progresu servisu projetu konstrusaun refere, no rona preokupasaun hosi empreza ho fiskalizador kona-ba kestaun tékniku balun.

Enkuantu progresu servisu iha projetu konstrusaun reabilitasaun estrada nasionál pakote A atinji ona porsentu 34,04 %, projetu refere medida naruk Km 16, kompleta ho ponte boot rua inklui Brige, Box Culvert.

Projetu ne’e ezekuta hosi TP Waskita Karya ho durasaun kontratu fulan sanulu resin walu (18), no valór kontratu $ 23 milloens, fó servisu ba ema Oé-cusse oan iha projetu refere, no hetan akompañamentu hosi konsultór supervizaun Profico.

Tuir reprezentante Diretor empreza kompromete iha kooperasaun di’ak ho ekipa konsultór sira hodi aselera servisu tuir kontratu.