Sua Exelênsia Prezidente Autoridade Rejiaun Administrativu Espesiál Oe-cusse Ambenu (RAEOA) no Zona Espesial Ekonómia Sosiál Merkadu (ZEESM) Timor-Leste Arsénio Paixão Bano, akompaña hosi Sekretáriu Rejionál Asuntu Komersiu no Industria Sr. Pedro da Cunha B. da simu Audiensia hosi Empreza Moryoung Internasional Lda iha interese atu halo investimentu iha RAEOA.

Objetivu hosi enkontru ida ne’e Empreza Moryoung Internasional Lda ho ekipa ko’alia ho Prezidente Autoridade RAEOA no ZEESM TL oinsá atu kria kooperasaun hamutuk hodi halo investimentu iha RAEOA.

Enkontru refere hanesan sorumutu inísiu hodi fahe informasaun no hanoin ba malu nune’e bele diskute kle’an liu tan iha faze tuir mai. Nune’e Empreza Moryoung Internasional Lda iha interese investe iha RAEOA ba Setor Agrikultura, Saúde tanba iha kondisoens infraestrutura bázika ne’ebé adekuadu atu halo investimentu, hanesan eletrisidade, Estrada, Portu, Aeroportu ne’e kria ona kondisoensa hodi bele halo investimentu. Enkuantu Guverno Sentral ho Guvernu Republika indonézia asina akordu ba Free Trade Zone iha tinan kotuk hodi investe iha zona fronteira.