RAEOA; 19 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Terras no Propriedades Sr. Antonio Hermenegildo da Costa, no Diretor Diresaun Rejional Terras no Propriedades Sr. Celestino Casenube, simu vizita hosi kongregasaun SSPS Madre Imaculada de Almeida no Kongregasaun Padre SVD Stanis Kepong SVD iha Gabinete Prezidente Autoridade Oébau.
Madre Kongregasaun SSPS Imaculada de Almeida relata sorumutu ho Prezidente Autoridade RAEOA no ZEESM TL ho objetivu atu kumprimenta no aprezenta misaun Kongregasaun SSPS no Kongregasaun SVD atu loke sentru formasaun iha RAEOA.
Misaun kongregasaun SSPS no kongregasaun SVD presiza husu autorizasaun Autoridade no kona-ba rai kuaze hektar haat (4) iha área Sikone ki’ik, diskusaun ne’e sei foin hahú sei iha diskusaun téknika tuir mai hodi bele hamosu desizaun finál.
