Prezidente Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste S.E. Arsénio Paixão Bano, akompaña Sekretáriu Rejionál Adjunta PA Asuntu Reforsu Institusional Sra. Leonia da Costa Monteiro, Sekretáriu Rejionál Asuntu Komersiu no Industria Sr. Pedro da Cunha B. da Silva, hetan vizita hosi Vise Ministru Komersiu S.E. Augusto Júnior Trindade hamutuk Reprezenta UNDP Sra Caltlin Wiesen iha Gabinete Prezidente Autoridade Oébau, Oé-cusse.

Iha sorumutu ne’e Vise Ministru Komersiu, Prezidente Autoridade ho reprezentante UNDP diskute kona-ba parseria ne’ebé la’o hela entre Vise Ministru Komersiu no Autoridade RAEOA liuhosi Sekretariu Rejionál Asuntu Komersiu no Industria hodi suporta joven emprendedór sira ba dezenvolvimentu ekonomia azúl no matak.

UNDP reprezenta hosi Sra. Caltlin Wiesen UNDP nia komprimisiu atu apoiu prioridade hosi IX Guvernu Konstitusional kona-ba kriasaun empregu juventude ba diversifikasaun ekonomia. UNDP kompromete sei halo akompañamentu ba programa ne’ebé implementa ona iha RAEOA.

Vise Ministru Komersiu Sr. Augustu Júnior Trindade kompromete katak Komersiu Industria sei halo koordenasaun ho Autoridade RAEOA liuhosi Sekretáriu Rejionál Asuntu Komersiu kona-ba monitorizasaun programa hirak ne’e, tanba UNDP hetan apoiu subvensaun publika hosi MCI no programa ne’e MCI tau nafatin iha prioridade hodi kontinua.

Prezidente Autoridade RAEOA no ZEESM TL agradese ba UNDP parseira ho Autoridade RAEOA halo buat barak hanesan iha fulan kotuk implementa ona programa kona-ba Kompetisaun Negosiu Inovativu (KNI) ne’ebé lansa iha fulan Maiu 2023, no programa Oé-cusse Bussiness Incubator (OBI at School).