Prezidente Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste S.E. Arsénio Paixão Bano, akompaña Sekretáriu Rejionál Adjunta PA Asuntu Reforsu Institusional Sra. Leonia da Costa Monteiro, Sekretáriu Rejionál Adjuntu PA Asuntu Sr. Maximiano Neno, hetan vizita hosi Provedoria dos Diretus Umanus no Justisa Sr. Virgilio da Silva Guterres “Lamukan” iha Gabinete Prezidente Autoridade Oébau, Oé-cusse.

Iha sorumutu ne’e Provedoria dos Diretus Umanus no Justisa-PDHJ kumprimenta ba Prezidente Autoridade no aprezenta objetivu vizita iha RAEOA nian.

Objetivu vizita iha RAEOA maka atu abertura formasaun F-FDTL destakadu RAEOA kona-ba promove Diretu Umanu ba Boa Guvernu nian, enkontru ho PNTL, enkontru mós Diresaun Nasional Resjistu Notariadu, no aproveita oportunidade atu koordena ho Prezidente Autoridade diskute no entrega ezbosu akordu entre PDHJ ho Prezidente Autoridade RAEOA.

Iha ámbitu sorumutu refere Prezidente Autoridade relata kestaun balun ne’ebé RAEOA enfrenta maka komunidade lubuk ida iha RAEOA kategoria ferik ho katuas to’o ohin loron seidauk hetan nasionalidade, sertidaun RDTL, BI, tanba sidadaun estranjeiru maibé hela tinan barak iha Oé-cusse. Sujere asuntu refere pertenente tebes tanba dadus iha duni hein katak PDHJ bele relata asuntu ba iha Ministeriu da Justisa nune’e toma hela atensaun.