Sua Exelensia Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, tersa-feira ne’e simu Audiénsia hosi Ministériu Defeza liuhosi komendante Interinu Falentil-Forsa Defeza Timor Leste (F-FDTL) komponente Terrestre deztakadu RAEOA Kapitaun Baldino J. A. Martins aprezenta rezultadu sosializasaun asuntu fronteira RAEOA nian.

Ohin mai aprezenta de’it asuntu ida kona-ba bazar populár iha sub-rejiaun Passabé atu reativa fali, tanba iha semana ida liubá Autoridade Seguransa Timor Leste kompostu hosi F-FDTL komponente terestre, Servisu Imigrasaun, Alfandega, UPF hala’o sosializasaun kona-ba asuntu fronteira nian, komunidade sira sujere atu reativa bazar populár iha fronteira Passabé nian, Prezidente Autoridade relata asuntu ne’e depois audiénsia iha sala enkontru Gabinete Prezidente Autoridade Oébau.

Ha’u dehan katak ita laiha problema hosi parte Timor leste nian iha kondisaun mínimu ne’ebé iha fronteira Passabé iha maka servisu Alfandega, Servisu Imigrasaun, polísia UPF inklui administrasaun sub-rejiaun nian. Entaun ita só hein halo koordenasaun ho parte indonézia nian, tuir komandante hatete katak koordenasaun Militar ho Imigrasaun indonézia nian hatete katak laiha problema, entaun só koordena ho servisu alfándega no hato’o informasaun ne’e ba Guvernu Sentrál hanesan Imigrasaun, Ministériu Negosius Estranjeiru no Koopresaun, Ministériu Interior, inklui Finansas liuhosi impostu nian.

Ha’u hanoin inisiativa ne’e di’ak, uluk la’o tiha ona tanba kuandu bazar populár reativa normalmente hamenus movimentu tranzasaun ilegál nian.

Aleinde ida ne’e Prezidente Autoridade mós ko’alia kona-ba partisipasaun F-FDTL nian iha RAEOA, ha’u agradese tantu hosi F-FDTL komponente Terrestre no Marritima ne’e Oé-cusse iha konfiansa katak iha soberanu ne’e iha liman ain no iha nia lutu no nia protesaun sira fó konfiansa ba