Sua Excelência Prezidente Autoridade Rejiaun Administrativa Espesiál Oé-cusse Ambeno (RAEOA) no Zona Espesiál Ekonómia Sosial no Merkadu (ZEESM Timor Leste) lidera hosi Sr. Arsénio Paixão Bano, iha kuarta-feira ne’e hala’o sorumutu no diskute ho Sentru Nasionál Formasaun Profesional Tibar, Unidade Informasaun Marritima iha sala enkontru Gabinete Prezidente Autoridade Oébau.

Objetivu hosi enkontru ida ne’e Sentru Nasionál Formasaun Profesional Tibar liu hosi Unidade Informasaun Marritima iha interese ho polítika Autoridade nian atu investe liuhosi Sentru Formasaun Profesional Bansone fasilita formasaun área marítima entermus teoria no prátika. Polítika ida ne’e bazeia asina akordu entre Autoridade RAEOA no Sentru Nasionál Formasaun Profesionál Tibar.

Entretantu Prezidente Autoridade RAEOA no ZEESM TL afirma katak Autoridade RAEOA iha interese ho inisiativa hosi Sentru Formasaun Profesional Tibar liuhosi Unidade Informasaun Marritima atu fasilita formasaun área marítima nivel báziku hodi prepara rekursu iha jestaun Aportil ba área ajudus Navegasaun, pilotu kostureiru, tékniku sobrevivénsia pesoál, elementary first AID, Dangerous Goods, tanba Aprotil RAEOA separa ho Aportil Dili.

Enkuantu RAEOA iha fulan kotuk haruka ona pilotu ida tuir formasaun kona-ba pilotu nian iha Portugal, tanba Timor Leste liuhosi RAEOA iha investimentu estaleiru iha Portugal koopera ho sentru formasaun profisionál portugál fasilita formasaun ba marítima nian, tanba ne’e iha posibilidade bele kontinua kursu nivel avansadu iha estaleiru refere.

Husu ba parte tékniku koordena ba malu halo preparasaun no analiza prioridade área marítima nian nune’e bele hahú ona iha tempu badak.