RAEOA; 02 Maio 2023,
Sua Excelência Prezidente Autoridade Rejiaun Administrativa Espesiál Oé-cusse Ambeno (RAEOA) no Zona Espesiál Ekonómia Sosial no Merkadu (ZEESM Timor Leste) lidera hosi Sr. Arsénio Paixão Bano, iha tersa-feira ne’e selebra asina akordu ho Sua Excelêcia Sekretária Estadu Igualdade no Inkluzaun Sra. Maria do Rosário de Fátima Correia iha sala enkontru Gabinete Prezidente Autoridade Oébau.
Objetivu hosi asina akordu ne’e atu hametin kooperasaun hodi reforsa servisu igualdade no inkluzaun iha RAEOA hodi prevene no kombate violénsia bazeia ba jéneru no tráfiku umanu iha fronteira.
Prezidente Autoridade RAEOA no ZEESM TL Arsénio Paixão Bano afirma katak asina akordu ne’e atu reforsa servisu igualdade jéneru no inkluzaun iha RAEOA.
Autoridade RAEOA liuhosi Unidade Promosaun Igualdade Jéneru no Inkluzaun Sosial (UPIJIS) esforsu makas apoiu fundu reativa grupu feto 34 kompostu hosi suku 18 ho orsamentu $90.00 míl, la’ós ida ne’e de’it autoridade apoiu mós organizasaun non Guvernamnetal ne’ebé trata asuntu kona-ba violénsia bazeia ba jéneru hanesan Pradet, Uma Paz Oé-cusse (UPO).
Autoridade RAEOA mós agradese ba SEII nia esforsu tomak entermus koordenasaun téknika ohin bele realiza asina akordu. Agradese ba SEII tanba konsege aprova lei konvensaun rua hodi proteje violénsia bazeia ba jéneru.
Enkuantu iha fatin hanesan hosi parte rua entre Autoridade RAEOA ho SEII lansa livru ho títulu Planu Asaun Nasionál violénsia bazeia ba Jéneru.
