Sua Exelênsia Prezidente Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Sr. Arsénio Paixão Bano, akompaña hosi Sekretáriu Rejionál Asuntu Komersiu no Industria Sr. Pedro da Cunha B. da Silva, Diretora Diresaun Rejionál Komersiu no Industria Sra. Domingas Sufa, abertura kompetisaun soru tais ba foin sa’e iha jardin koreano Oébau Pante makassar.

Atividade kompetisaun suru tais ba foin sa’e, hanesan atividade ida hosi feira kalan nian inklui ho kompetisaun homan ne’ebé realiza ona iha loron rua liubá. Atividade hirak ne’e integra iha komemorasaun loron FALINTIL no konsulta populár.

Atividade kompetisaun soru tais foin sa’e abaertura hosi Prezidente Autoridade no ZEESM TL, iha ambitu ida ne’e Prezidente Autoridade sente kontente no louva joven foin sa’e nain 14 ne’ebé iha interese apriende soru tais no tuir kompetisaun hodi promove no prezerva patrimoniu kultural Oé-cusse nian hanesan identidade rasik. Prezidente Autoridade mós agradese no provileziu ida ba inan aman sira tanba bele hanorin aon sira kontinua promove soru tais tanba ita mai hosi jerasaun tais maka ohin sai funsionariu públiku ka sai ema bo’ot.

Iha kompetisaun ne’e konkorentes feto foin sa’e nain 14 partisipa iha kompetisaun hosi idade 10-20, iha kompetisaun ne’e mós idade 10 nain rua kompete iha kompetisaun refere.

Iha kompetisaun ne’e sei la’o durante oras neen nia laran ekipa juri sira sei foti valor ikus ba konkorentes sira. enkuantu konkorentes hirak ne’e mai hosi suku sira.