RAEOA; 15 Jullu 2023
Sua Excelência Prezidente Autoridade Rejiaun Administrativa Espesiál Oé-cusse Ambeno, RAEOA no Zona Espesiál Ekonomia Sosiál no Merkadu ZEESM TL lideradu sr, Arsénio Paixão Bano, akompaña hosi membru Autoridade no Diretores Rejionais lansa projetu konstrusaun Estrada rurál aldeia Oébaha Suku Bobometo-Suku Usi-tasa’e Sub-rejiaun Oésilo.
Ohin ne’e hanesan loron importante tebes ba populasaun iha sub-rejiaun Oésilo, lansa projetu konstrusaun Estrada rurál Oébaha suku Bobometo-Bitopa Aldeia Buqui Suku Usitasa’e. Estrada ne’e sei fó benefísiu ba populasaun sub-rejiaun Oésilo, Passabe, Nitibe iha tempu udan difikulta tebes asesu populasaun sira hodi hakat hakat mota Noel Ekat entaun autoridade dezde tinan kotuk deside halo melloramentu Estrada rurál refere hosi Unidade Jestaun Ekipamentu, Diresaun Rejional Infraestrutura.
Nia hatutan katak iha tinan ida ne’e halo planu tau orsamentu no prosesa aprovizionamentu ba tenderizasaun rezultadu kompañia Irmão Timor sai vensedór ba iha Estrada refere. No projetu konstrusaun ponte Bitopa ne’ebé atinji ona 80% entaun ba futuru hosi sub-rejiaun Oésilo, Passabe no Nitibe sei la iha difikuldade ba estrada no ponte tanba iha ona ponte ho estrada alternativu ba movimentu populasaun nian iha futuru, hakotu nia.
Prezidente Autoridade mós husu populasaun iha suku Bobometo no Usitasa’e atu koopera ho kompañia nune’e bele aselera projetu refere.
Entrtantu Diretor Rejional Infraestrutura Candido dos Reis Amaral informa katak projetu konstrusaun Estrada rurál hosi Oébaha suku Bobometo-Suku Usitasa’e sub-rejiaun Oésilo realiza tanba diskusaun tékniku ho Autoridade hodi deside tau orsamentu ba Estrada refere, hasa’e ba plam Congrate, halo moru, no bee dalan.
Diretór ne’e akresenta katak manán na’in ba projetu ne’e hosi kompañia Irmão Timor ho durasaun kontratu fulan sia, ho valór kontratu $544,055.33. Orsamentu ba projetu refere prevee hosi Orsamentu Jeral estadu 2023 nian.
Diretór ne’e mós husu kompañia atu kumpre kontratu nune’e bele finaliza tuir tempu ne’ebé termina ona.
