RAEOA; 25 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi Prezidente Sentru Formasaun Bansone Sr. Antonio Boquifai no Xefe Departamentu Logistika SRESS Sr. Januariu Nese segunda-feira lansa fatuk dahuluk ba konstrusaun fasilidade sintina públiku ba komunidade iha bairo aldeia Ulas Lama Suku Taiboko Sub-rejiaun Pante Makassar.
Konstrusaun fasilidade sintina públiku iha aldeia Ulas Lama Suku Taiboko hetan apoiu finansiál hosi Prezidente Autoridade RAEOA no ZEESM TL no fasilita tékniku hosi Estajiadu Sentru Profesional Formasaun Bansone ba dala neen.
Objetivu hosi ajudus ida ne’e konstrusaun sintina públiku ne’e atu fasilita komunidade asesu ba sintina no fasilita mós sanitariu ba eskola EBF Ulas Lama hodi prevene moras iha soe fo’er arbiru no hatoman an uza sintina.
Sintina públiku kuartu rua ho medida 4 X 2,50 metru ho durasaun servisu durante semana tolu bazeia ba durasaun estájiu nian.
