S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E Sekretaria Rejional Asuntu Edukasaun no Solidariedade Sosial Sra. Abelina da Costa no Xefe Departamentu SAS Sra. Julmira da Silva no partisipa hosi Manager Programe UNDP Sra. Patricia Poras, hala’o vizita ba projetu konstrusaun tanki kaptasaun udan been iha fatin tolu eskola EBF Noapai, EBC Boboloa, no EBC Mekosikalote Sub-rejiaun Pante makassar atu fasilita higiene eskola nian.

Autoridade RAEOA koopera ho UNDP atu rezolve prioridade ba kaptasaun bee hodi fasilita eskola sira iha RAEOA.

Ohin ha’u vizita projetu konstrusaun kaptasaun udan been ba eskola EBF Noapai, EBC Boboloa, no EBC Mekosikalote tanba RAEOA iha koperasaun bo’ot ida ho UNPD atu hare rezolve problemas balun iha RAEOA. Iha tinan ida ne’e no tinan kotuk preoritizasaun ba kaptasaun bee iha eskola sanulu resin sia-19. Ohin ita hare fatin tolu iha eskola EBF Noapai konstrui tanki kaptasaun udan been ho kapasidade 92 m3 atu fasilita estudante 413, no iha EBC Boboloa iha estudante na’in 595 ho kaptasaun udan been kapasidade 110 m3 no iha EBC Mekosikalote kapatasaun udan been ho kapasidade 110 m3 atu fasilita estudante 868 konsidera katak estudante barak liu.

Nia hatutan, iha vizita ne’e atu halo estudu katak atu aumenta sala de aula ka reforsa ba Filial sira atu bele diminui labarik mai iha sentru Mekosikalote. Nia reforsa eskola sanulu resin sia -19 ne’ebé asesu kaptasaun udan been seidauk to’o presiza hare tan fatin seluk, ho programa ida atu mellora fasilidade eskola no bee labarik sira iha programa merenda eskolar no casa de banho inklui espasu livre ba ambiente (ai-funan sira). kaptasaun udan been atu di’ak Diretor Eskola sira ajuda atu prezerva bee wainhira iha tempu udan mai, no nia parte fiar katak ho kapasidade tanki 110 m3 bele uza to’o fulan ualu -8, tanba Oé-cusse susar uza estratéjia hotu-hotu atu halo kaptasaun ba bee.

Prezidente mós kontenti tebes tanba hare duni iha progresu diak no nia kompromete ba profesór sira iha EBC Boboloa katak sei halo konstrusaun eskola foun rua hamutuk sala neen -6 tanba iha tinan ida ne’e sei konstrui eskola 19 no tempu badak sei halo lansamentu inklui inaugura edifísiu sentru formasaun profesór.

Tanki kaptasaun udan been konstrui iha eskola sanulu resin neen- 16 ho kapasidade hosi 49 m3, 92 m3, 150 m3 manan hosi kompañia Paul Eletric Unip Lda ho valor kontratu USD$417,597.34 durasaun servisu fulan 18.