Sua Excelência Prezidente Autoridade Rejiaun Administrativa Espesiál Oé-cusse Ambeno (RAEOA) no Zona Espesiál Ekonómia Sosial no Merkadu (ZEESM Timor Leste) lidera hosi Sr. Arsénio Paixão Bano, akompaña hosi Sekretáriu Rejionál Asuntu Komersiu no Industria Sr. Pedro da Cunha B. da Silva, iha kuarta-feira ne’e ofisialmente inaugura projetu tolu hosi Sekretáriu Rejionál Asuntu Komersiu no Industria.

Projetu tolu maka edifísiu One Shop Stop, IADE, Cinco Restaurante, Merkadu Baoknana, hosi investimentu hirak ne’e atu reforsa atendimentu servisu negósiu kona-ba rejistrasaun no verifikasaun emprezariál SERVE, IP ba lisensiamentu atividades negósiu hodi rekolla reseitas ba kobre Rejionál.

Prezidente Autoridade RAEOA no ZEESM TL afirma katak projetu tolu ne’e importante ba servisu Sekretáriu Rejionál Asuntu Komersiu no Industria, ne’ebé konklui ona no entrega ba Autoridade hodi hahú halo operasionál servisu komérsiu nian.

Iha tempu badak IADE ho SERVE sei Sina Memorandu dé entendimentu ho Autoridade RAEOA hodi operasionál servisu SERVE no IADE sira bele okupa ona fatin ne’e hodi halo servisu tanba servisu IADE ho SERVE ne’e atu haforsa servisu negósiu no promove negósiu.

Iha semana kotuk reuniaun autoridade tékniku hosi komérsiu no indústria aprezenta ona konseitu kona-ba One Shop Stop no Cinco Restaurante nian maibé presiza hare mós parte legais balun hodi halo preparasaun ba prioridade ne’ebé importante atu hahú uluk.

Ezekutiva ne’e mós husu ba funsionáriu ne’ebé maka deztakadu iha SERVE no IADE atu mantein servisu hodi promove empreza no investimentu sira iha RAEOA.