S. E Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, hamutuk ho Prezidente Konsellu Administrativu Sentru Formasaun Profesional Bansone Sr. Antonio Boaquifai entrega fasilidade públiku lavatóriu ba Autoridade lokál atu uza ho kuidadu hodi serve ba komunidade no eskola iha Ulas Antigu Suku Taiboko Sub-rejiaun Pante makassar.

Inisiativa di’ak tebes mai hosi Autoridade RAEOA koopera ho Sentru Formasaun Profesional Bansone hala’o estájiu ba dala neen no primeira vez hala’o estájiu iha li’ur implementa esperiénsia konstrui lavatoriu fasilidade públiku atu serve komunidade no eskola foun ne’ebé foin halo konstrui. Ho esperiénsia sentru formasaun profisionál Bansone atu aproveita bele multíplika halo tan iha fatin seluk, no bele uza ekipa sentru Bansone ba reabilitasaun eskola sira inklui servisu, Prezidente Autoridade hato’o lia ne’e iha inaugurasaun fasilidade lavatoriu iha Ulas Antigu.

Prezidente Autoridade agradese ba Prezidente Konsellu Administrasaun Sentru Formsaun Profesional Bansone ho estajiadu no APS inklui servisu na’in sira ne’ebé envolve halo lavatoriu ne’e. Agradese mós ba autoridade lokál no inan aman sira liuliu rai na’in sira entrega rai halo fasilidade públiku iha rai ne’e.

Apela ba inan aman sira iha Ulas antigu atu kuidadu lavatoriu ne’e ho kuidadu no jere didi’ak ba oan sira nia futuru

Prezidente Bansone Prezidente Konsellu Administrasaun Sentru Formsaun Profesional Bansone Antonio Boquifai informa katak sentru formasaun ne’e inisiá hosi Prezidente Autoridade no koordena ho CFP aproveita estajiadu sira atu halo fasilidade lavatoriu ho medida metru 4 X 2,50 no konklui iha semana tolu nia laran.

Estajiadu ba tinan ida ne’e hamutuk na’in 40 kompostu hosi área konstrusaun jerál, eletrisidade, kanalizasaun, soldadura, agrikultura, ospitalidade.

Orsamentu ba konstrusaun lavatoriu hamutuk $ 7 míl ne’e mai hosi sentru formasaun Profesion Bansone, no konstrui mós hosi Prezidente Autoridade.

Hosi orsamentu ne’e fahe ba konstrusaun materiál konstrusaun fasilidade lavatoriu kuartu rua, tanke bee instalasaun sanyo ho kanalizasaun bee, eletrisidade inklui lutu hale’u.

Partisipa iha serimónia ne’e mai hosi Prezidente Autoridade, Prezidente Konsellu Administrativu CFP, Xefe Suku Taiboko, Xefe Aldeia Ulas Antigu, no komunidade