S. E Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, akompaña hosi S.E Sekretáriu Rejionál Asuntu Agrikultura Sr. José Eta, enkoraja formadu sira atu aproveita oportunidade ba Preparasaun asaun antisipada hasoru bailoron naruk ka redusaun risku dezastre no mós konsultasaun komunidade ba grupu toos na’in no komunidade vulneravel ne’ebé afeta husi bailoron naruk iha RAEOA.

Formasaun asaun antesipada hasoru bailoron naruk hosi Ministériu Agrikultura Pekuaria Peska no Floresta ho reprezentante ajénsia Internasional FAO implementasaun formasaun asaun antisipada hasoru bailoron naruk ka redusaun risku dezastre iha RAEOA.

Preparasaun bailoron naruk hahu akontese daudauk ona iha nasaun sira iha India, Vietname, ne’ebé afeta folin foos sa’e, no Guvernu sentrál halo intervensaun fó apoiu subsidiu ba importador sira, maibé sei la garante iha tempu badak.

Tanba ha’u husu iha RAEOA ita nia intervensaun ba folin foos sa’e maka orientá inan aman atu tama to’os ho natar ne’ebé abandona tinan barak presiza halai fila fali maka bele responde iha futuru. Husu formadu hotu atu aproveita formasaun ida ne’e hodi aviza ba to’os nain sira atu tama toos inklui natar sira, no agrikultura RAEOA presiza prepara fasilidade, apoiu adubu, tekniku no fini atu dudu agrikultor sira hodi prepara ba elnino nian iha tempu tuir mai.

Formasaun faslita hosi MAP kopera ho ajensia internasionál FAO Implementasaun programa Haforsa Sistema Avizu Antesipada (EWS) hodi harii reziliénsia hasoru perigu idro-meteorolojiku iha Timor-Leste ho treinamentu asaun antisipada hasoru bailoron naruk ka redusaun risku dezastre no mós konsultasaun komunidade ba grupu toos na’in no komunidade vulneravel ne’ebé afeta husi bailoron naruk iha RAEOA

Formasaun ne’e abertura hosi Prezidente Autoridade RAEOA hamutuk ho ekipa hosi MAP no FAO, formasaun ne’e la’o durante loron rua partisipa hosi extensionista iha RAEOA.