RAEOA; 25 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi Sekretáriu Rejionál Asuntu Terras no Propriedades Sr. Antonio H. da Costa no tekniku sira halo fiskaliza ba projetu konstrusaun Estrada Nasionál pakote A Noefefa Suku Lifau Sub-rejiaun Pante Makassar liga ba Suku Suniufe Sub-rejiaun Nitibe ne’ebé atinji ona 46%.
Projetu konstrusaun projetu konstrusaun Estrada Nasionál pakote A Noefefa-Oénunu, estrada refere iha ponte lima inklui ponte kiik sira tuir informasaun hosi tékniku empreza PT Waskita Karya relata katak fulan novembru bele finaliza, hosi ponte 1 Kolombae ho medida 16 metru no Ponte mota Oénunu distánsia 90 metru ne’ebé komesa prosesu cast bridge (corang) signifika servisu la’o hela.
Avansu Projetu konstrusaun Estrada Nasionál pakote A Noefefa-Oénunu atinji ona 46% no ita hein katak to’o fin do anu ka tinan foun bele atinji 60%. Estrada refere sei benefísiu ba REAOA tanba Estrada nasionál ne’e atu liga asesu hosi sub-rejiaun Pante Makassar ba to’o sub-rejiaun Nitibe no provalidade liga ba to’o provínsia Kupang NTT, tuir ita-nia planu ne’e primeiru faze to’o iha Oénunu ita katak Estrada ne’e bele kontinua to’o iha Naktuka liga ho Oépole Indonézia.
Estrada ne’e manan hosi empreza PT Waskita Karya nia orsamentu $23 milloens ho durasaun fulan 18 ba pakote primeiru. Hanoin katak sei Estrada ne’e di’ak ona sei iha mudansa.
