Sua Excelência Prezidente Autoridade Sua Excelência Prezidente Autoridade Rejiaun Administrativa Espesial Oé-cusse Ambeno (RAEOA) no Zona Espesiál Ekonomia Sosiál Merkadu (ZEESM TL) Sr. Arsénio Paixão Bano, akompaña hosi Sekretáriu Rejionál Adjuntu Prezidente Autoridade Asuntu Sosiais no Sekretária Rejionál Asuntu Edukasaun no Solidariedade Sosiál Sra. Abelina da Costa, sábadu ne’e valoriza kontribuisaun profesór voluntáriu na’in 55 ho asina kontratu termu certu iha Salaun SRESS.

Prezidente Autoriadde RAEOA no ZEESM TL hatete katak agradese ba profesór voluntáriu na’in 55 ba kontribuisaun tomak maski tinan barak fó imi-nia dedikasaun tomak hodi hanorin estudante iha eskola sira ne’ebé voluntária ba laho vensimentu, maibé ita boot sira fuan boot duni esforsu no kontinua voluntária la kotu-kotu to’o ohin loron.

Ho Nune’e ha’u hanesan Prezidente Autoridade RAEOA ho membru autoridade deside katak tenke valoriza profesór voluntáriu na’in 55 ho kontratu termu certu tanba tinan barak ona fó ona kontribuisaun no dedikasaun tomak tanba hakarak dezenvolvimentu la’o ba oin ho lais, no hakarak dezenvolvimentu rekursu umanu mós la’o ho lais.

Husu atu kumpre de’it lei funsaun publika nian ne’ebé hatete ona katak devér mak disiplina, obedese servisu no lealdade ba superiór kada eskola to’o SRESS.

Entretantu Sekretária Edukasaun no Solidariedade Sosial hatutan katak asina kontratu ida ne’e realiza tanba liuhosi monitorizasaun no avaliasaun hosi Inspektur eskolár sira, kada eskola hahú hosi EPE, EBF, ESC, ESG. Bazeia ba relatóriu hosi inspetór sira katak hosi na’in 55 voluntária 2-7 maka autoridade diskute no deside hala’o prosesu verifikasaun dadus, no iha prosesu lubuk ne’ebé liu ona ohin bele realiza asina kontratu ho ba ita boot sira. Ba kolokasaun depois dé asina kontratu SRESS sei destaka ba eskola sira ne’ebé menus profesór.