Sua Exelênsia Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Sr. Arsénio Paixão Bano, akompaña hosi Sekretáriu Rejionál Adjuntu PA Asuntu Sosiais Sr. Maximiano Neno, no membru autoridade RAEOA ho Diretór Ezekutivu PERMATIL Sr. Ego Lemos no entidade hotu ofisialmente abertura programa Oé-Cusse Perma Youth Camp 2023 iha Lakufoan suku preparativus Monemeko sub- rejiaun pante makassar.

Tuir planu Programa Oé-Cusse Perma Youth Camp 2023 abertura hosi Prezidente da Repúblika Execelencia José Ramos Horta infelizmente la partisipa tanba kondisaun la permite nune’e Prezidente Autoridade RAEOA no ZEESM TL reprezenta governu sentrál reprezenta mós ida-idak nian an hodi implementa fali iha aldeia ida-idak.

Programa Oé-Cusse Perma Youth Camp 2023 organiza hosi Organizasaun non Guvernamental PERMATIL no Agrikultura Rejionál, envolve partisipante hamutuk atus haat-400 kompostu hosi estajiadu APS hosi Diresaun Rejionál Agrikultura, Administrasaun, SAS, Terras no propriedades inklui juventude delegasaun hosi suku 18 aldeia neen nulu resin tolu 63, no partisipa mós hosi juventude Munisipiu Baucau, Ermera, Viqueqe no Aileu hanesan observadór ba atividade akampamentu bee iha Lakufoan.

Tema ba Programa Oé-Cusse Perma Youth Camp 2023 maka “ami prontu servisu kuda bee no konserva rai,”durante akampamentu juventude sira sei aprende kona-ba konserva bee ka kuda bee, sistema agrikultura rai lolon, konservasaun agrikultura prodús pupuk orgániku.

Enkuantu atividade ne’e sei la’o kuaze semana ida, aprende hodi implementa fali iha aldeia 63 iha suku 18.

programa ne’e realiza tanba Autoridade RAEOA ho PERMATIL iha asina akordu hodi implementa programa estratéjiku agrikultura nian iha RAEOA.

Marka prezensa iha programa Oé-Cusse Perma Youth Camp 2023, Membru Autoridades, Komendante PNTL, Komendante F-FDTL komponente terestre destakadu RAEOA, KBRI destakdu iha RAEOA, Diretores Rejionais, Xefe Departamentu, Xefe Gabinete, Xefe Suku 18 ONG Nasional, Internasional no ONG lokál, komunidade en jerál.