RAEOA, 06 Outubru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi Diretor Diresaun Rejional Infraestrutura Sr. Candido dos Reis Amaral partisipa iha preparasaun pavimentasaun alkatraun primeiru kamada iha Estrada Nasionál Pakote A Noefefa- Oenunu hahú iha Aldiea Makelab Suku Taiboko sub-rejiaun Pante makassar.
Preparasaun pavimentasaun alkatraun primeiru kamada ba Estrada Nasional Pakote A Noefefa-Oénunu ho medida metru atus rua (200 m) iha aldeia Makelab. Prosesu preparasaun ba pavimentasaun alkatraun dahuluk sukat medida luan estrada no hafoin rega alkatraun primeiru kamada nian.
Tuir planu ohin preparasaun pavimentasaun alkatraun primeiru kamada no iha loron 07 fulan Outubru komesa tau pavimnetasaun alkatraun primeiru kamada nian. Prosesu primeiru kamada alkatraun sei sa’e 6 cm no iha segundu kamada 4 cm.
