Sua Exelensia Prezidente Autoridade Rejiaun Administrativu Espesial Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, kuarta-feira ne’e simu Audiensia hosi Instituisaun Autonoma Servisu Rejistu no Verifikasaun Emprezarial Institutu Publiku, (SERVE. IP) iha Gabineti Prezidente Autoridade Oébau.

Diretór Ezekutivu SERVE.IP Florêncio Saches informa ba Prezidente Autoridade katak prezensa SERVE, IP iha RAEOA atu ko’alia asuntu importante rua mak revizaun asina akordu entre SERVE. IP ho RAEOA no konsulta kona-ba Edifisiu One Shop Stop. Relasiona ho asuntu rua ne’e SERVE.IP aproveita oportunidade mai ho ekipa hosi Sukursal SERVE.IP hosi 13 munisípiu atu vizita RAEOA no husu autorizasaun bele ekipa SERVE.IP ba vizita traballu ida ba edifísiu SERVE. IP ne’ebé Autoridade RAEOA konstrui no inaugura iha fulan kotuk.

SERVE.IP louva tebes Autoridade RAEOA nia polítika investe ba iha komérsiu no indústria nian iha RAEOA ne’e hanesan kondisoens ida ba Zona Franka.

Entretantu Prezidente Autoridade iha nia intervensaun hato’o lia vemvindu Diretor Ezekutivu SERVE.IP ho ekipa sukursal sira hosi munisípiu 13 bele mai vizita RAEOA. Autoridade akresenta katak RAEOA iha interese atu organiza atividade komérsiu hodi hetan reseitas doméstika iha RAEOA, maka Autoridade deside konstrui edifísiu integradu maka One shop stop hodi bele tau matan no fasilita di’ak liután atividade komérsiu nian.

Iha biban ne’e husu Diretor ezekutivu SERVE.IP ho ekipa presiza halo revizaun ba asina akordu nian tanba SERVE,.IP hanesan instituisaun Autonoma ida presiza halo diskusaun tékniku kle’an iha faze tuir mai hodi ba utilizasaun edifísiu refere.