Sua Exelensia Prezidente Autoridade Rejiaun Administrativu Espesial Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, kuarta-feira ne’e simu Audiensia hosi Instituisaun Autonoma Institutu Nasional Defeza Firetu ba Labarik, Institutu Publiku, (INDDICA.IP sigla Portugés) hamutuk entidades tratamentu inkluzaun sosiál iha Gabineti Prezidente Autoridade Oébau.

Prezidente Ezekutivu INDDICA.IP Dinhora Granadeiro informa ba Prezidente Autoridade katak vizita ohin ne’e iha RAEOA atu aprezenta destakadu pontu fokal INDDICA, IP iha RAEOA no atu diskute mekanizmu koordenasaun servisu kontrola protesaun traballu infantíl iha Aportil, mós INDDICA sei prepara formatu hodi rejistu movimentu labarik menoridade iha Pontikais no tuir tarjetu kontrola hosi idade 08-16 atu hala’o movimentu ho objetivu ne’ebé klaru.

Prezidente INDDICA, IP mós salienta katak iha VIII Guvernu Konstitusional INDDICA, IP tutela ba iha Ministeriu Solidariedade Sosial no Inkluzaun (MSSI) no iha IX Guvernu Konstitusional iha mudansa INDDICA, IP tutela ba Vice Primeiru Ministru Asuntu Dezenvolvimentu Rural.

Entretantu Prezidente Autoridade iha nia intervensaun sorumutu ohin loron ne’e atu diskute mekanizmu koordenasaun servisu protesaun traballu infantíl, faze dahuluk Pontu fokal INDDICA iha RAEOA koordena ho entidade relevante hanesan Sosial, Unidade Promosaun Igualdade Jeneru no Inkluzaun Sosial, koordena ho Aportil RAEOA kontrola no rekolla dadus manifes labarik menoridade iha portu, hodi hein formatu foun hosi INDDICA, IP maibé servisu koordenasaun informasaun tenke hahú uluk ona.

Bainhira formatu obrigatóriu prodús ona Autoridade RAEOA sei aprova deliberasaun ida kona-ba kontrolu movimentu labarik menoridade iha pontikais sira kona-ba traballu infantíl, husu SRESS liuhosi Departamentu Sosial destaka estajiadu APS ba portu hodi halo kontrolu ba asuntu refere.