RAEOA: 16 Agustu 2023
Sua Exelensia Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, iha kuarta-feira ne’e hetan audiénsia hosi Prezidente Konsellu Imprensa Sr. Otelio Ote iha Gabineti Prezidente Autoridade Oébau.
Iha Sorumutu ne’e, Prezidente Konsellu Imprensa (CI Sigla Portugés) kumprimenta no informa Prezidente Autoridade RAEOA no ZEESM TL kona-ba atividade Journalism Fundamental Training ba Jornalista servisu hamutuk hosi Autralia Broadcasting Coorporation Internasional Development (ABC-ID) durante loron tolu.
Iha biban ne’e mós Prezidente Konsellu Imprensa konvida Prezidente Autoridade iha posibilidade bele partisipa iha enseramentu formasaun no distribui sertifikadu ba partisipantes sira.
Iha parte seluk mós konvida Prezidente Autoridade atu partisipa iha loron nasionál liberdade imprensa sei realiza iha loron 16 fulan outubru tinan ne’e iha Munisipiu Bobonaro.
Entretantu Prezidente Autoridade RAEOA no ZEESM TL iha nia intervensaun agradese ba Komsellu Imprensa bele hili RAEOA realiza atividade iha RAEOA. Agradese mós ba vizita iha posibilidade jornalista sira bele halo kobertura ba feira ne’ebé RAEOA halo ba komemorasaun konsulta populár no loron FALINTIL.
Enkuantu relasiona komemorasaun loron nasionál liberdade imprensa Autoridade RAEOA hein de’it konvite nune’e bele partisipa iha eventu refere.
