Oebau, 21 de novembro 2023, Presidente da Autoridade da Região Administrativa Especial de Oé-Cusse Ambeno (RAEOA) e Zonas Especiais de Economia Social de Mercado (ZEESM) de Timor-Leste no ninia membru autoridade hato’o haktuir konferénsia de impresa istoriku husi komunikasaun ho tutela, ka Gabinete Primeiru-Ministru.

Ekipa liderada husi Prezidente da Autoridade (PA) informa katak komunikasaun dauluk ho Na’in Primeiru-Ministru hala’o iha 1 de Jullo de 2023, no hahú husi loron tomada pose atual Primeiru-Ministru, Autoridade disponibiliza pozisaun Prezidente da Autoridade no membru autoridade hotu, hodi fasilita tranzisaun no fasilita diskusaun no tomada desizaun husi tutela kona-ba futura(s) lideransa(s) ba Região Administrativa Especial de Oé-Cusse Ambeno (RAEOA) e Zonas Especiais de Economia Social de Mercado (ZEESM) de Timor-Leste.

Biar surat ne’e seidauk iha resposta, PA haklaken, ekipa kontinua espresa vontade no interesse ba atual Primeiru-Ministru, Kay Rala Xanana Gusmão no ninia Ministru hotu-hotu kona-ba vontade atual Prezidensia atu transfere kna’ar tuir dalan ne’ebé loos no permite pasajein testemuñu diak, kontinuidade iha implementasaun programas nasionais no moos permite futura administrasaun hala’o kna’ar ho diak.

Atual autoridade hato’o katak autoridade asegura funsionamentu RAEOA no ZEESM-TL durante 120 dias liu tiha tomada de posse husi Na’in Primeiru Ministru no ninia IX Governu. Primeiru-Ministru Kay Rala Xanana Gusmão hala’o komprimisu ba povo Timor-Leste tomak katak iha loron 120 nia laran nia sei aprezenta ba povu Timor-Leste tomak no Atoni sira em espesiál Administrasaun foun ba RAEOA e ZEESM-TL, loron 24 liu tiha data promesa husi Na’in Primeiru-Ministru no to’o ohin loron ita sasin katak Na’in Primeiru-Ministru seidauk biban atu foti desizaun kona-ba futura lideransa(s) ba Região Administrativa Especial de Oé-Cusse Ambeno (RAEOA) e Zonas Especiais de Economia Social de Mercado (ZEESM) de Timor-Leste.

Biar Prezidente da Autoridade (PA) kompreende no sensibilizadu ba difikuldade ne’ebé tutela hasoru hodi kria konsensu iha koligasaun ne’ebé nia lidera kona-ba futura lideransa RAEOA no ZEESM-TL, Autoridade hein katak ho autoridade nia desizaun atu rezigna em bloku desizaun ne’e bele hakmaan Primeiru ministru nia servisu no fasilita konsensu iha koligasaun nia laran no halailais prosesu ne’e.

Desizaun atu rezigna a’an mak desizaun atu ajuda tutela foti desizaun kona-ba futura lideransa, no moos permite futura lideransa estuda no aprende kona-ba orsamentu ne’ebé Governu sentral impõem mai lideransa foun, ne’ebé tuir loloos iha semana oin presiza ba defende orsamentu ne’e iha Parlamentu Nasional.

Na’in Prezidente da Autoridade (PA) empresta alegoria husi Na’in Primeiru-Ministru, Kay Rala Xanana Gusmão, no hato’o katak “iha dapur, sana lian ona, be’e nakali tiha ona, karik ita la tein, dala-ruma be’e sem maran, sana sei a’at, ai-maran ita sunu saugate deit”.

Media GPA
José Mala