S.E. Prezidente Autoridade Rejiaun Administrativu Espesial Oe-cusse Ambenu (RAEOA) no Zona Espesial Ekonomia Sosial Merkadu (ZEESM) Timor-Leste Arsénio Paixão Bano, akompaña hosi S.E Sekretáriu Rejionál Asuntu Agrikultura Sr. Jose Eta no S.E Sekretáriu Rejionál Asuntu Komersiu no Industria Sr. Pedro da Cunha B. da Silva, servisu hamutuk ho PRADET Oé-Cusse apoiu iha subvensaun publika atu implementa programa inkluzaun sosiál iha RAEOA atu hakbiit grupu feto vulneravel iha sub-rejiaun haat hodi hadi’a ekonomia família no redús violénsia doméstika iha RAEOA.

Autoridade RAEOA koopera hamutuk ho PRADET, tanba iha razaun PRADET servisu foka liu ba direitu feto sira, liuliu feto sira ho ekonomia uma laran fraku, no mós ita hare kazu violénsia doméstika iha Oé-cusse nú aas tebes, entaun organizasaun ida ne’ebé maka servisu kona-ba oinsá atu hamenus violénsia ne’e maka PRADET,

Nia hatutan nune’e Autoridade kada tinan sempre apoiu fundus ba Organizasaun Sosiedade sivíl sira iha RAEOA, hanesan PRADET, UMA PAZ Oé-cusse, ALFELA, AFMEF, ADHMTL, JUS inklui Permatil, ita apoiu sosiedade sivíl no mós grupu feto sira, ita hakarak hamenus problema violénsia doméstika ba feto no labarik no mós atu haforsa ekonomia uma laran.

Iha sorin seluk Xefi interinu PREDET, rejiaun Administrativa Espesiál Oé-cusse Ambeno RAEOA Domingas da Cunha hateten katak, relasiona ho kazu violénsia doméstika aas tebetebes, maka PRADET Oé-cusse iha inisiativa estabelese grupu feto Ualu ho atividade hakiak animál halo negósiu ki’ik, soru tais iha sub-rejiaun haat Passabe suku Abani grupu soru Tais ida, sub-rejiaun Oésilo iha Grupu Suru tais Hailomaila iha aldeia Oebaha suku Bobometo hetan ekipamentu soru tais nian, iha Nitibe Suku Banafi aldeia Kuanobe grupu soru tais, no ida iha suku Lifau grupu hakiak manu, no grupu Naibobo Amasat iha suku Cunha Sub-rejiaun pante makassar nune’e inan feton sira la bele hasoru violénsia bazeia ba janeiru.

Programa apoiu inan grupu feto sira ne’e hetan fundus apoiu hosi Gabinete Prezidente Autoridade RAEOA atu implementa inkluzaun sosiál liu hosi apoiu grupu feto sira hodi ekonomia família.

Distribuisaun ohin hahú ho grupu rua grupu Hailomaila iha aldeia Oebaha Suku Bobometo Sub-rejiaun Oesilo sira hetan ekipamentu soru tais nian, no grupu Naibobo Amasat aldeia Noapai Suku Cunha Sub-rejiaun pante makassar hetan apoiu manu unidade 19 no bibi atu hakiak hodi hadi’a ekonomia grupu no família nian.