Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) lideradu hosi Sua Execelencia Sr. Arsénio Paixão Bano iha sesta-feira ne’e konvoka reuniaun autoridade regulár diskute kona-ba apoiu autoridade nian ba iha preparasaun eleisaun suku iha RAEOA.

Konvokatoriu ne’e bazeia ba lei nú 09/2016 kona-ba mandatu órgaun suku tinan hitu, ne’ebé remata iha fulan Outubru 2023. Ho nune’e Guvernu liuhosi Konsellu Ministru aprova ona data eleisaun suku sei realiza iha loron 28 Outubru 2023.

Iha konvokatoriu ne’e diskute kona-ba preparasaun no apoiu ba iha eleisaun suku iha RAEOA. Enkuantu iha konvokatoriu aprova desizaun ida ba apoiu preparasaun infraestrutura báziku ba fatin eleisaun sira iha territóriu RAEOA, apoiu viaturas ba STAE, Saneamentu, Iluminasaun, inklui fasilidade públiku eleisaun nian.