February 24, 2024 2:50 pm
Kompañia Fraternity Entrega Mobiliariu Eskolar ba Autoridade Sesante

Kompañia Fraternity Entrega Mobiliariu Eskolar ba Autoridade Sesante

RAEOA; 5 Dezembru 2023

S. E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sesante Sr. Arsénio Paixão Bano, akompaña hosi Sekretaria Rejional Asuntu Edukasaun no Solidariedade Sosial Sesante Sra. Abelina da Costa, asina termu entrega mobiliariu administrasaun no mobiliariu eskolár ne’ebé fornese hosi kompañia Fraternity Unip Lda.

“Mobiliariu eskolár ne’ebé fornese hosi kompañia Fraternity atu responde ba eskola sira ne’ebé presiza, no ha’u husu de’it dirijenti iha Edukasaun atu kuidadu no tau matan didi’ak ba mobiliariu sira atu distribui ho didi’ak, inklui estudante sira atu koopera  kuidadu mobiliariu tanba ita labele sosa beibeik mobiliariu, iha  tinan kotuk ita sosa ona mobiliariu unidades barak maibé sei nafatin seidauk responde, no agora kontinua sosa tan unidades barak atu bele responde ona fasilidades eskola sira ne’ebé menus ”. Prezidente Autoridade RAEOA no ZEESM TL sesante Arsénio Paixão Bano hatete lia hirak ne’e iha ámbitu serimónia entrega mobiliariu hosi Kompañia Fraternity Unip Lda iha Armejen edukasaun St. Roza.

Autoridade sesante ne’e hatutan RAEOA iha mós fasilidade ba profesór sira harii sentru formasaun profesór, atu fasilita formasaun ba profesór sira atu garante kualidade edukasaun iha RAEOA, fasilidade la’os ba de’it estudante sira maibé profesór sira mós iha fasilidade ba formasaun nian.

Entretantu Sekretaria Rejional Asuntu Edukasaun no Solidariedade Sosial sesante Sra Abelina da Costa aprezenta lista mobilairiu ne’ebé hosi fornesedór entrega sei distribui ba eskola EPE, EBC, ESG, no ETV sira iha RAEOA.

“Mobiliariu ne’ebé fornese maka meza no kadeira ba alunus hamutuk unidade 3000, meza no kadeira ba profesór hamutuk unidade 250, armáriu Administrasaun eskolár hamutuk unidade 59, kuadru multi- funsaun hamutuk 100 unidades, inklui mobiliariu ba servisu eskritóriu administrativa hanesan armáriu unidade 25, kadeira ba ezekutivu unidade 1, meza ba kargu xefia hamutuk unidade 12  no kadeira unidade 12 ne’ebé sei falta), meza enkontru unidade 4 no kadeira unidade 32 sei falta, meza ba biblioteka unidade 20, no falta kadeira unidade 20, ne’ebé ohin simu hosi kompañia Fraternity Unip Lda distribui fali ba eskola sira.

Sekretaria Rejional Asuntu Edukasaun sesante hatutan katak eskola sira iha RAEOA maka EBC no EBF hamutuk 89, ESG iha 5, ETV 2, no mós sei hare ba biblioteka ba funsionáriu. Agradese ba kompañia Fraternity Unip Lda ho nia tékniku sira servisu makas, iha koordenasaun di’ak ho SRESS maski mobiiliariu ho unidades barak maibé la to’o fulan haat bele entrega ona, hakotu nia.

Fornesimentu mobiliariu ba administrasaun no escolar iha RAEOA manan hosi kompañia Fraternity Unip Lda ho durasaun kontratu fulan haat, ho valor kontratu $ 424, 675.00, ne’ebé autoridade RAEOA  sesante prevee hosi OJE 2023.

Média GPA
José Mala

0 0 votes
Article Rating
Subscribe
Notify of
guest
0 Comentário
Inline Feedbacks
View all comments
Scroll to Top

V i s a u n

Estabelesimentu área espesiál ekonomia merkadu sosiál nian ne’ebé sei funsiona hanesan incubator ba governasaun polítika governasaun nian ne’ebé bele implementa hanesan instrumentu hodi lori dezenvolvimentu globál no Integradu Republika Demokratika Timor-Leste.

M i s a u n

Kria, jere no promove área espesiál sira ekonomia sosiál nian ho modelu governasaun nian ne’ebé bele funsiona hanesan polítika dezenvolvimentu sustentavel, investimentu sustentavel no atrativu, bazeia ba konseitu entreprende, dinámika no inovasaun ne’ebé bele implementa.

O b j e t i v o

Not Found

S t r u t u r a

Sr. Arsénio Paixão Bano
Presidente da Autoridade da RAEOA – ZEESM TL
Sra. Leonia da Costa Monteiro
Sec.Reg. Adjunta para Reforço Instituçional
Sr. Maximiano Neno
Sec.Reg. Adjunto para Assuntos Sociais
Sra. Abelina da Costa
Sec.Reg. para Educação e Solidariedade Social
Sra. Elisa Maria Maniquin
Sec.Reg. para as Finanças
Sr. António Helmenegildo da Costa
Sec.Reg. para Assuntos de Terras e Propriedade
Sr. Martinho Abani Elu
Sec.Reg. para a Administração
Sr. José Eta
Sec.Reg. para a Agricultura
Sr. Manuel da Costa
Sec.Reg. para a Saúde
Sr. Pedro da Cunha B da Silva
Sec.Reg. para o Comercios e Industrias