RAEOA; 20 Agustu 2023
Sua Execelencia Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano hanesan Inspetor serimónia akompaña hosi Sua excelêcia Sekretáriu Rejionál Adjuntu PA Asuntu Sosiais Sr. Maximiano Neno, no membru Autoridade domingu ne’e, selebra Komemorasaun loron FALINTIL 20 Agostu 2023 ba dala-48 iha Sikone suku Lalisuk Sub-rejiaun Pante makassar.
Diskursu Prezidente Autoridade RAEOA no ZEESM TL iha ámbitu komemorasaun loron FALINTIL 20 agostu 2023 ba dala-48 iha RAEOA.
Ohin ita kontente no agradese tanba rai-ketan Timor leste nian bele mós komemora loron FALINTIL 20 agostu 2023 ba dala 48 mai ita ho fó apresiasaun FALINTIL. Iha tinan 40 liubá hosi Komendante FALINTIL Nicolau Lobato no komandante sira seluk hahú funda FALINTIL no ikus mai transforma ba F-FDTL.
Ha’u nia alin sira hosi forsa foin idade 19, 20 ka foin tama forsa seidauk hatene FALINTIL hanesan ita barak seidauk saida maka FALINTIL sira halo, no wainhira ita rona iha itoan-itoan eskola, muzeum da rezisténsia, iha maun boot sira sira wainhira ko’alia, hahú hosi komandante sei moris hela komandante Em Xefe Kay Rala Xanana Gusmão, Komendante L7 sei moris hela, komandante Lere Anan Timor, no komandante sira seluk agora sei iha forsa ita aprende saida lolos maka FALINTIL.
FALINTIL sai orgullu ida ba rezisténsia tomak iha interna no esterna mezmu kontribuisaun boot ka ki’ik tanba korajen mai hosi prinsípiu FALINTIL. FALINTIL sai hanesan korajen fó forsa no konfiansa ba ema rezisténsia tomak tanba ne’e mak ohin loron ita iha rai ida naran Repúblika Demokratika Timor Leste- RDTL.
Ha’u hanesan Prezidente Autoridade reprezenta IX Guvernu Konstitusional, Guvernu sentrál no reprezenta estadu timor leste iha RAEOA ohin mai hamutuk ho sivíl sira hamutuk ho komponente Terrestre no komponente Naval ita selebra loron FALINTIL. Tanba FALINTIL maka mosu F-FDTL, tanba FALINTIL maka rai ne’e hetan Repúblika Demokratika Timor Leste, inklui Oé-cusse iha konfiansa katak ita bele hamriik nafatin hanesan rai soberanu ida tanba ita-nia forsa mós iha, F-FDTL hanesan lutu nasaun nian, maka fó konfiansa nafatin F-FDTL.
Ohin hanesan orgullu boot ba Oé-cusse ba Timor leste ita hamriik nafatin no lembra loron FALINTIL ba dala 48, ho ida ne’e ha’u atu husu ba ita hotu, banati tuir nafatin espíritu FALINTIL sira uluk halo no mate ba rai ida ne’e, ba sira nia sakrifísiu, ba sira nia disiplina hodi ita-nia rai ne’e hetan ukun rasik an. Ita selebra atu bele banati tuir Komendante Nicolau Lobato to’o Nino Conis Santana no banati tuir feto sira hosi Maria Tapo no Maria Goreti ho sira seluk ne’ebé maka mate ba rai nia ukun rasik an sira labele mate saugati.
Tanba ne’e ohin ita ne’ebé sei moris sai jerasaun kontinuador, kontinua no banati tuir disiplina ba luta libertasaun nasionál libertasaun povu no libertasaun pátria ne’ebé outra pasa ona, no libertasaun povu nafatin presiza disiplina presiza ita-nia luta, presiza ita-nia determinasaun, konsisténsia ba rai ne’e bele ba oin nafatin.
Ho ida ne’e ha’u hanesan Prezidente RAEOA hakarak saúda komandante ho elementu sira hosi komponente Infantaria no Naval ne’ebé destaka iha Oé-cusse, ha’u sauda tanba dook hosi família dook hosi inan aman, dook hosi feen balun iha oan, ba Timor Leste ita fó hotu laiha rezerva, bainhira laiha rezerva rai sei la’o di’ak tanba disiplina no banati tuir FALINTIL ne’ebé funda iha tinan 48 liubá rai ne’e sei sai forte liu tan ho ida ne’e, Sr. Komandante sira no konvidadus sira inklui ita hotu katak mai hamutuk haforsa ita-nia rai ne’e atu sai Timor ida forte liu independente no soberanu konta ho FALINTIL ne’ebé maka koñesidu ho F-FDTL transforma espíritu ne’ebé mai hosi FALINTIL ita fiar katak rai ne’e sai di’ak liu tan no ita fiar katak timor leste sei ba oin nafatin.
