February 24, 2024 1:35 pm
Komemorasaun Aniverasriu CFP-RAEOA no Abertura Siklu foun Formasaun ba Formadu foun

Komemorasaun Aniverasriu CFP-RAEOA no Abertura Siklu foun Formasaun ba Formadu foun

RAEOA; 5 Dezembru 2023,

S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sesante Sr. Arsénio Paixão Bano, no akompaña hosi Sekretaria Rejional Asuntu Edukasaun no Solidairedade Sosial sesante Sra. Abelina da Costa, no Prezidente Konsellu Administrasaun CFP Bansone Sr. Antonio Boquifai, partisipa iha komemorasaun aniversáriu Sentru Formasaun Profisional Bansone RAEOA dala V no abertura mós siklu foun formadu na’in 86 ba tinan 2024, iha sentru Bansone Suku Cunha, Sub-rejional Pante Makassar.

“Sentru ne’e la’ós fasil atu harii tinan tinan RAEOA prevee orsamentu 200 míl ho objetivu atu prepara no forma rekursu ho profisionál ne’ebé ohin ita mós lansa kursu regulár tolu importante tebes, no komemora loron aniversáriu CFP ba dala V nian, ha’u atu dehan de’it ba formadu sira, empresta Eis Primeiro Ministru Taur Matan Ruak nia liafuan dehan katak “noting is free” laiha buat ida gratuitu iha ita-nia moris”. Prezidente Autoridade RAEOA no ZEESM TL sesante Arsénio Paixão Bano hatete iha ámbitu komemorasaun loron CFP no abertura siklu foun iha sentru Bansone

Autoridade Sesante hatutan hakarak sai ema di’ak tenke esforsu an tanba laiha buat ida monu hosi lalehan, ó hakarak hetan osan, hakarak servisu di’ak, hakarak iha uma di’ak no ema seluk buka ó fó servisu maka ó tenke luta makas, prepara an didi’ak aproveita oportunidade mai tuir formasaun iha sentru Bansone ho hanoin ida de’it mai buka matenek atu aban bainrua hetan osan rasik tanba finalidade hosi formasaun ne’e maka hamriik mesak bele buka rasik servisu no bele mós kria rasik servisu.

Istória ezisténsia sentru formasaun profisionál Bansone iha tinan lima liubá ha’u mai vizita Bansone sai fatin merkadu no kestaun istória malu, la konsege sai merkadu maibé sai fatin mamuk nune’e ha’u ko’alia ho eis Prezidente Autoridade RAEOA Dr. Mari Alkatiri katak merkadu ne’e bele sai fali sentru formasaun profisionál ida iha RAEOA, entaun tékniku sira halo diskusaun ho lia na’in hosi suku Cunha ho Lalisuk, sira aseita no hahú sentru ne’e ho zero ikus mai servisu hamutuk sentru Tibar hetan apoiu formadór inklui fasilidade sira seluk.

Entretantu Prezidente Konsellu Administrsaun CFP Bansone Sr Antonio Boaquifai relata katak Komemorasaun Aniversariu CFP Bansoe ba dala V no abertura formasaun foun ba formadu ne’ebé iha interese frekuenta formasaun profisionál iha sentru refere.

“ohin loron ita selebra loron aniversáriu Sentru Formasaun Profisional Bansone ba dala V nian no ita mós loke formasaun foun ba formadu foun ne’ebé hakarak mai tuir formasaun formasaun iha sentru ida ne’e”.

Prezidente Konsellu Administrasaun mós salienta katak tuir tarjetu ne’ebé sentru kada tinan rekruta formadu foun na’in 75 maibé iha tinan ida ne’e no tinan kotuk rekruta formadu foun na’in 86 liu tarjetu ho balun ne’ebé Drop Out (DO) ka hetan servisu iha fatin seluk no balun kontinua estudu iha banku universitáriu ikus mai tuir tarjetu ne’ebé iha.

“Enkuantu hosi formadu na’in 86 ne’e tuir klasifikasaun ba área lima eletrisidade, Alvenaria, karpintaria, soldadura, no kanalizasaun, hosi área lima ne’e kada área prevee formadu na’in 12 no agrikultura mós rekruta formadu na’in 12 inklui ospitalidade rekruta na’in 14”.

Sentru Formasaun Profisonal Bansone ohin eziste tinan lima ona hahú hosi 2018 sentru ne’e prodús ona formadu ho kategoria nivel 1 hamutuk 158 ne’ebé simu ona sertifikadu no nivel 2 prodús ona formadu na’in 120, hosi área hotu-hotu.

Média GPA
José Mala

0 0 votes
Article Rating
Subscribe
Notify of
guest
0 Comentário
Inline Feedbacks
View all comments
Scroll to Top

V i s a u n

Estabelesimentu área espesiál ekonomia merkadu sosiál nian ne’ebé sei funsiona hanesan incubator ba governasaun polítika governasaun nian ne’ebé bele implementa hanesan instrumentu hodi lori dezenvolvimentu globál no Integradu Republika Demokratika Timor-Leste.

M i s a u n

Kria, jere no promove área espesiál sira ekonomia sosiál nian ho modelu governasaun nian ne’ebé bele funsiona hanesan polítika dezenvolvimentu sustentavel, investimentu sustentavel no atrativu, bazeia ba konseitu entreprende, dinámika no inovasaun ne’ebé bele implementa.

O b j e t i v o

Not Found

S t r u t u r a

Sr. Arsénio Paixão Bano
Presidente da Autoridade da RAEOA – ZEESM TL
Sra. Leonia da Costa Monteiro
Sec.Reg. Adjunta para Reforço Instituçional
Sr. Maximiano Neno
Sec.Reg. Adjunto para Assuntos Sociais
Sra. Abelina da Costa
Sec.Reg. para Educação e Solidariedade Social
Sra. Elisa Maria Maniquin
Sec.Reg. para as Finanças
Sr. António Helmenegildo da Costa
Sec.Reg. para Assuntos de Terras e Propriedade
Sr. Martinho Abani Elu
Sec.Reg. para a Administração
Sr. José Eta
Sec.Reg. para a Agricultura
Sr. Manuel da Costa
Sec.Reg. para a Saúde
Sr. Pedro da Cunha B da Silva
Sec.Reg. para o Comercios e Industrias