RAEOA: 20 Jullu 2023
Sua Exelênsia Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, akompaña hosi Sekretáriu Rejionál Adjuntu PA Asuntu Sosiais, Sr. Maximiano Neno no Sekretária Rejionál Asuntu Edukasaun no Solidariedade Sosial Sra. Abelina da Costa simu Audiénsia hosi Kepala Kantor Penguhubun Republik Indonesia iha RAEOA Sr. Bonifasius Agun Nugroho iha Gabinete PA Oébau.
Kepala Kantor Penguhubun Republik Indonesia KBRI destakadu RAEOA sigla Indonézia sorumutu ho Prezidente Autoridade RAEOA aprezenta Oé-cusse oan na’in hitu hetan bolsu estudu atu kontinua iha UNIMOR Universitas Timor-Universitas di Nusa Tenggara Timur Indonézia, RAEOA agradese tanba Oe-cusse oan bele liu iha oportunidade ida ne’e.
Parte rua mós diskute posibilidade halo relasaun entre RAEOA ho Unimor, Universidade ne’ebé besik liu no ha’u hanesan fó sujestaun delegasaun Unimor mai vizita RAEOA no parte edukasaun mós bele ba hare nivel kooperasaun saida maka bele halo. No KBRI sujere mós sujere iha futuru iha posibilidade bele haruka estudante hosi Indonézia atu hala’o estájiu sosiál iha Oé-cusse Timor Leste.
RAEOA nakloke atu simu estajiadu tanba iha fakuldade ne’ebé importante ba RAEOA English, Saúde no Agrikultura, ida ne’e inisiativa di’ak tanba Kefamananu besik ho Oé-cusse atu dudu setór rekursu umanu.
Prezidente Autoridade informa mós katak RAEOA iha planu harii Universidade Rejional ida no prosesu kona-ba koordenasaun ho UNTL no Ministériu Ensinu Superior no rai preparadu ona.
Oé-cusse oan asesu ba bolsu estudu tanba iha kooperasaun di’ak ho KBRI ne’ebé iha fulan maiu KBRI organiza Universidade sanulu resin lima hosi Indonézia halo feira edukasaun iha RAEOA nia rezultadu maka Oe-cusse oan na’in hitu bele hetan bolsu estudu.
