S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi Xefe Departamentu EPCC Sr. Camilo Kefi no Unidade Tekniku Akompañamentu (UTA) Sr. João Mendes partisipa observa prosesu pavimentasaun asfaltika primeiru camada iha Estrada Nasional pakote A Noefefa-Oenunu iha aldeia Makelab suku Taiboko mai Aos Ero Suku Lifau sub-rejiaun Pante Makassar.

Ohin ita mai ho tékniku sira inklui konsultán Profico atu asiste primeira pavimentu alkatraun ba Estrada Nasional Noefefa-Oenunu pakote A, atu garante katak asfaltika ne’e kualidade iha tenke iha grau mínimu 130 grau to’o 180 grau, no iha primeiru layar ka primeiru camada aslfatika sentimentru neen (6) no iha layar kedua segundu camada sentímetru haat (4) signifika espesura iha asfaltika estrada refere hamutuk 10 cm. ita tenke serteza ida katak estrada ne’e iha kualidade duni, SE Prezidente Autoridade relata iha ámbitu prosesu pavimenta asfaltika iha aldeia Makelab.

Estrada Nasional Noefefa Oénunu pakote A distánsia kilómetru 11 no hahú pavimenta dahuluk ba kilómetru 7 hosi Makelab mai Lifau no kada loron sei pavimenta asfaltika metru atus rua 200.

Entretantu Jestór PT Waskita Karya, Jajan Asfarin hatete katak empreza iha kompromisu hodi garante kualidade servisu iha ezekusaun projetu refere tanba hetan akompañamentu direta hosi konsultór Profico.

Bainhira atu ezekuta servisu ida ita presiza iha konsultasaun uluk ho konsultór Profico hafoin hetan autorizasaun bele ezekuta servisu ida, entaun projetu ne’e sei garante kualidade no hein katak servisu ne’e bele la’o lalais.

Media GPA
Jóse Mala