Sua Excelência Prezidente Autoridade Rejiaun Administrativa Espesial Oé-cusse Ambeno (RAEOA) no Zona Espesiál Ekonomia Sosiál Merkadu (ZEESM TL) Sr. Arsénio Paixão Bano kinta-feira ne’e hala’o enkontru kortezia hosi Embaixadora Cuba Sra. Grisel Alina Aldama Innis iha sala Enkontru Gabinete Prezidente Autoridade Oébau.

Iha sorumutu ne’e Prezidnete Autoridade hato’o agradese Embaixadora Cuba tanba ohin mai vizita REAOA, no agradese mós tanba povu Cuba apoiu mai Timor leste dezde Timor leste restaura nia independénsia, Timor leste haruka estudante míl 1.000 estudante Timor oan ne’ebé agora sira hasai ona doutór no finaliza hotu ona serví daudauk Timor leste, afirma Prezidente Autoridade RAEOA no ZEESM TL Arsénio Paixão Bano iha Resintiu Gabinete Prezidente Autoridade.

RAEOA ita iha Brigada Cubana ida no Doutor hamutuk na’in 10 ne’ebé agora servisu hela iha Ospitál Referál Oé-cusse nian, no RAEOA mós haruka ona médiku rua hasai espesialista iha Cuba Dra. Catarina Anunu ho Dra. Domingas sira agora iha Cuba hamutuk delegasaun doutór hosi Timor leste na’in rua hosi Oé-cusse, fundamenta nia.

Ezekutiva ne’e kompromete katak tinan ida ne’e sei haruka tan médiku na’in neen atu foti espesialidade iha Cuba, no ha’u hato’o Sra. Embaixadóra katak Oé-cusse hakarak prodús espesialista barak liu iha Timor leste, tanba RAEOA iha nia orsamentu rasik atu prepara rekursu espesialista ba futuru RAEOA nian. Aleinde ida ne’e iha mós Doutora na’in mós espesialista iha Indonézia Dra. Merita Marques Lafo ho Dr. Estanis. Iha vizita refere atu demonstra katak Cuba nafatin apoiu Timor leste ba iha setór saúde nian.

Entretantu Embaixadóra Cuba Grisel Alina Aldama Innis informa katak objetivu sorumutu ne’e maka Embaixadora Cubano mai iha RAEOA atu vizita no halo revizaun servisu médiku Cubano sira iha RAEOA no retira fila fali apoiu ne’ebé durante ne’e kolabora ho Timor leste liuliu iha Oé-cusse. Nia akresenta tan katak povu Cuba apoiu Timor leste ba setór Saúde ba bolsu estudu dezde timor leste ukun to’o loron hamutuk na’in 1.000. Enkuantu médiku Cubano ne’ebé hala’o misaun servisu iha RAEOA hamutuk na’in 11.

Diplomata ne’e mós solisita Timor leste ba loron aniversáriu ne’ebé sei realiza iha 20 Maiu 2023 no eleisaun Parlamentar ne’ebé sei realiza iha loron 21 Maiu 2023.