RAEOA; 15 Setembru 2023
Diresaun Rejiaonal Infraestrutura (DRI) liu hosi Xefe Departamentu Eletrisidade Timor Leste (EDTL) informa ba konsumidór eletrisidade iha fider IV, tékniku EDTL esforsu normaliza hikas liña refere ne’ebé akontese mate-lakan, no fider V fatin balun lakan normál no sei akontese fatin balun mate kauza konsumidór barak maibé tékniku sira sei halo ligasaun manobrasaun nune’e bele asesu hotu.
Konsumidór iha Fider IV kompostu hosi Oébaha, Onoah, Hoeneno, Usapikolen, Saben, Tumin, Quibiselo, Nonokikan, Usi-Tasa’e, Usitaqueno, Passabe, Malelat.
No iha Fider V maka Tulaika, to’o Citrana, Oémolo, Nunuhenu, Neofnua, Bebu, Haubone, Nitibe, Lamasi, Nefolete, Mahata, Kusi, Nefometan, Maunaben no Nefomtasa eletrisidade sei akontese trip (mate) maibé EDTL sei halo hela ligasaun manobra liña atu asesu hotu eletrisidade tanba konsumidór iha liña refere montante barak fó impaktu mate lakan.
Kauza ahi mate lakan durante ne’e tanba afeta hosi projetu konstrusaun Tono-Oésilo ne’ebé rezulta poste 24 iha parte Banutoe liga ba Nuslao tanba ne’e tékniku EDTL halo mudansa liña fider IV liga junta ba iha fider V fornese eletrisidade ba komunidade iha sub-rejaiun hat entaun karga ne’e liu kapasidade nune’e afeta ba mákina.
