Prezidente Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste reprezenta hosi S.E. Sekretária Rejionál Adjunta PA Asuntu Reforsu Institusional Sra. Leonia da Costa Monteiro, no Sekretáriu Rejionál Adjuntu PA Asuntu Sosiais Sr. Maximiano Neno simu vizita hosi Prezidente Komisaun A Parlamentu Nasional trata Asuntu kona-ba Konstitusionál no Justisa Sr. Patrocino Fernandes akompaña hosi Membru Deputadu sira no Membru Autoridade iha Gabinete Prezidente Autoridade Oébau, Oé-cusse.

Objetivu hosi vizita ne’e hosi Parlamentu Nasionál komisaun A trata Asuntu Konstitusional no Justisa, prezensa iha RAEOA halo observasaun no halo enkontru ho Autoridade RAEOA rona preokupasaun kona-ba enkuadramentu legais sira no reforma institusionál.

Iha biban Autoridade RAEOA reprezenta hosi Sekretária Rejionál Adjunta PA Asuntu Reforsu Institusional Sra. Leonia da Costa Monteiro halo aprezentasaun kona-ba enkuadramentu legál kona-ba lei nú 3/2014 loron 18 fulan juñu no dekretu lei nú 5/2015 ne’ebé altera iha 2019 lei nú 93/2022 loron 22 fulan dezembru estatutu RAEOA. Aleinde ida ne’e aprezenta mós planu orsamentu rejiaun, dezenvolvimentu administrasaun no infraestrutura iha RAEOA.

Durante enkontru Membru Parlamentu Nasional husu kona-ba separasaun RAEOA no ZEESM TL no investimentu sira iha REAOA.

Ezekutiva ne’e mós rekomenda kona-ba tratamentu sidadaun na’in 500 ne’ebé hela tinan barak ona iha RAEOA maibé seidauk hetan nasionalidade inklui sertidaun RDTL, Billeti de Idetidade, inklui lei kódigu rejistu sivíl, atu oinsá bele ajuda RAEOA hodi bele rezolve preokupasaun hirak ne’e.