Autoridade Rejiaun Administrativu Espesiál Oé-Cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste reprezenta hosi S.E. Sekretáriu Rejionál Adjuntu PA Asuntu Sosiais Sr. Maximiano Neno akompaña hosi Xefe Gabineti Prezidente Autoridade Sra. Maria José Reis, Diretor Rejional Asuntu Infraestrutura Sr. Candido dos Reis Amaral, tersa-feira simu Audiensia hosi Ajensia JICA iha Gabinete Prezidente Autoridade Oébau.

Team Lider JICA Satoshi Kanamura relata objetivu hosi sorumutu ne’e hosi Ajensia JICA aprezenta planu portu ba Autoridade RAEOA no koordena atu fó aseitasaun no autoriza bele halo peskiza. No Ajénsia JICA husu Autoridade RAEOA atu identifika fatin nune’e ekipa JICA bele halo peskiza. Tuir planu ekipa JICA sei hahú peskiza iha 27 setembru iha Oé-cusse no bazeia ba fatin ne’ebé Autoridade RAEOA hili.

Entretantu Sekretáriu Rejionál Adjuntu PA Asuntu Sosiais Sr. Maximiano Neno hatete hato’o agradese ba vizita ajénsia JAICA iha RAEOA. Relasiona ho aprezentasaun Planu JAICA presiza tau iha konsiderasaun hodi bele peskiza ba iha portu Iwao Kitahara Mahata bele mellora di’ak liután no prepara ba futuru.