S. E Prezidente Autoridade Rejiaun Administrativu Espesiál Oé-cusse Ambenu (RAEOA) no Zona Espesiál Ekonómia Sosiál Merkadu (ZEESM) Timor-Leste Arsénio Paixão Bano, hosi Diretor Rejional Agrikultura Sr. Cerilio dos Remedendios Baba, Xefe Depratamentu EPCC Sr. Camilo de J. Kefi, tersa-feira ne’e fiskaliza projetu konstrusaun Acudes Suku Taiboko atu restaura fali bee matan sira ne’ebé maran hodi fó benefísiu ba komunidade no mós animál.

Projetu konstrusaun Acudes konstrui iha aldeia Nemun suku Taiboko atu restaura be hodi sustenta populasaun no animál inklui floresta sira iha área refere.

Diretór Rejionál Agrikultura Cerilio dos Remendios Baba esplika kona-ba objetivu konstrusaun embun ne’e atu restaura bee atu sustenta populasaun ho animál inklui floresta iha tempu bailoron naruk.

objetivu konstrusaun embun ida ne’e tanba ita hatene katak iha fatin fatin iha tempu bailoron sira enfrenta ba bee nune’e hosi embun ne’e bele oinsá bele konserva atu prepara ba plantasaun no animál iha tempu bailoron naruk no oinsá atu fó ar fresku ba komunidade sira ne’ebé hela besik. Nia hatutan katak iha área embun ne’e ita tenta ba atu dezenvolve viveirus besik iha komunidade hodi asesu hetan ai oan liuliu ai oan sira ne’ebé konserva bee no akumula bee atu bele fornese bee ba embun ida ne’e.

Diretór ne’e garante katak embun ne’e sei fó benefísiu ba komunidade iha futuru tanba kuandu udan normál sei infilta no kolleita bee litru rihun haat no embun ne’e iha tinan primeiru sei infiltra uitoan maibé ba tinan tolu sei garante katak bele sustenta ona komunidade iha área refere tanba iha fatin balun ne’ebé agrikultura konstrui kuaze akumula ona bee no komunidade uza ona iha tempu bailoron.

Projetu ne’e ezekuta Bobo Tanu Unip Lda ho valór kontratu rihun walu resin walu, atus walu sia nulu $88, 890.00 atinji ona 100% ho medida luan metru 15, leten metru 45 no aas metru lima 5, durasaun kontratu fulan sia 9 inklui estensaun kontratu. Orsamentu Autoridade RAEOA prevee hosi Orsamentu Jeral Estadu 2023 nian.