S.E. Prezidente Autoridade Rejiaun Administrative Espesial Oé-Cusse Ambeno, RAEOA-Zona Ekonomia Sosial no merkadu ZEES-TL, lideradu Sr. Arsenio Paixão Bano, akompaña hosi S.E. Sekretáriu Rejionál Adjuntu PA Asuntu Sosiais Sr. Maximiano Neno, Membru Autoridade, Diretor Rejiaonais inaugura Ponti Bitopa suku Usitasa’e Sub-rejiaun Oé-silo sei fasilita komunidade sub-rejiaun Oé-silo, Passabe no Nitibe.

Iha Oé-cusse ohin ita inaugura ponte ida importante asesu ba komunidade sub-rejiaun tolu ne’ebé ema Oé-cusse oan maka halo rasik no hetan monitorizasaun hosi tékniku Diresaun Rejional Infraestrutura no traballadór sira hosi suku Usi-tasa’e halo rasik. Ha’u fiar katak ponte ne’e sei sai di’ak rai ne’e nia nian Usi Tasa’e sei tulun, la’os tékniku de’it tanba ponte sei liga ho zona sentrál liga ho suku Bobometo no suku Usitasa’e, Sub-rejiaun Oésilo liu tan ba sub-rejiaun Nitibe, no Passabe.

Argumenta katak tinan tinan iha tempu udan problema iha mota Noel-ekat, populasaun la bele liu, durante tinan rua nia laran halo preparativus atu halo ponte ida ne’e bele fasilita asesu populasaun ho di’ak iha tempu udan. Ponte Bitopa konstrui ho longu prazu, tanba ita mós ezije nia kualidade.

Ezekutivu RAEOA agradese ba iha komunidade sira iha Usitasa’e tanba konsege fó sira nia rai atu halo ponte refere.

Entretantu Xefe Aldeia Buqui Simão Quelo nu’udar Komunidade sente no agradese ba governu RAEOA, tanba konstrui ona ponte ida ne’e, hodi ajuda movimentu komunidade iha suku Usi-tasa’e lori prontu lokál ba iha merkadu iha tempu udan.

Jestór sub-rejiaun Oé-silo Domingos Marques orgullu ho autoridade, konsege konstrui ponte Bitopa mezmu halo iha Bitopa maibé povu atoni maka sei uza, entaun ha’u agradese ba Autoridade RAEOA nia desizaun hotu.

Ponte Bitopa ezekuta hosi kompañia Am-Lhichoe Unipesoal.Lda ho valór kontratu U$406.945.00, orsamentu autoridade RAEOA, prevee hosi orsamentu Jeral estadu (OJE) 2022 nian.