RAEOA; 19 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretáriu Rejional Asuntu Agrikultura, Sr. Jose Eta no Xefe Departamentu Estrada Ponte no Kontrolu e Cheias Sr. Camilo de Jesus Quefi, iha tersa-feira halo fiskalizasaun ba projetu konstrusaun gabiaun fronteira Sakato suku Nipani ne’ebé atinji ona 18%
Objetivu hosi vizita ne’e atu observa progresu servisu atu aselera no kumpre ba kontratu tanba importante atu proteje soberanu iha área fronteira.
Projetu ne’e manán hosi kompañia Save Guard Unipessoal Lda distánsia 500 metru ho valór kontratu $ 256,225.25 ho durasaun kontratu fulan neen (6) no progresu servisu atinji ona 18%.
Projetu gabiaun atu proteje uma komunidade, toos no soberanu iha área fronteira tanba mota sempre sobu.
