RAEOA; 18 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Agrikultura, Sr. Jose Eta no Xefe Departamentu Estrada Ponte no Kontrolu e Cheias Sr. Camilo de Jesus Quefi, iha segunda-feira halo fiskalizasaun ba projetu konstrusaun Estrada Nasional Tono Suku Cunha Sub-rejiaun Pante Makassar liga ba Suku bobometo sub-rejiaun Oésilo atinji ona 2,25%.
Prezidente Autoridade RAEOA no ZEESM TL afirma katak vizita ne’e atu hare projetu konstrusaun konstrusaun estrada nasional Tono-Oésilo ne’ebé atinji ona 2,25%.
Projetu konstrusaun ne’e ezekuta hosi empreza PT Waskita Karya ho valor kontratu $33,915,000.00 durasaun kontratu fulan 24 no distansia kilometru 18, empreza fokus halo kating foho Banutoe ho Nusla’o suku Bobokase nune’e molok udan tun iha fins de Outubru bele finaliza area refere tanba kada area ne’e sofre inundasaun.
Prezidente Autoridade mós agradese ba Xefe Suku Bobokase ho komunidade tanba iha koperasaun diak hodi bele muda luta fó asesu ba obra refere ba Waskita Karya atu halo limpeza no bele benefisia ba komunidade iha suku tolu iha sub-rejiaun rua.
Entretantu Maneger PT Waskita Karya Ady kompromete prosesu kating iha Banotue no Oebaha tanba area tahu presiza fokus nune’e udan tun ida ne’e tenke finaliza.
