RAEOA; 19 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Agrikultura, Sr. Jose Eta no Xefe Departamentu Estrada Ponte no Kontrolu e Cheias Sr. Camilo de Jesus Quefi, iha tersa-feira halo fiskalizasaun ba projetu konstrusaun Acudes “Embung” iha Aldeia Bausiu suku Nipani Sub-rejiaun Pante makassar atinji ona 51%.
Objetivu hosi vizita ne’e atu hare progresu servisu projetu konstrusaun Acudes ka Embung ne’ebé progresu la’o makas tebes tanba hetan ona bee maski seidauk tempu udan, garante sei fó benefísiu ba komunidade.
Projetu ne’e manán hosi kompañia Lackbuy Unipessoal Lda ho valor kontratu $ 86, 460. 91 ho durasaun kontratu fulan sia (9) no progresu servisu atinji ona 51%.
Acudes ka Embung refere nia kapasidade akumula bee litru millaun ida, atu uza ba área koletiva hektar 12 ne’ebé kada tinan prodús Hudi, Aifarina ho Hare Metan
