S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Agrikultura, Sr. Jose Eta no Xefe Departamentu Estrada Ponte no Kontrolu e Cheias Sr. Camilo de Jesus Quefi, iha segunda-feira halo fiskalizasaun ba projetu konstrusaun gabiaun iha Oébaha no Noel Ekat Suku Bobometo sub-rejiaun Oésilo atinji ona 35%.

Prezidente Autoridade RAEOA no ZEESM TL afirma katak vizita ne’e atu hare projetu konstrusaun gabiaun Oebaha suku Bobometo ne’ebé atinji ona 35%, ezekuta hosi kompañia Elo Coet Unip Lda ho Valor kontratu $188,696.03 ho durasaun kontratu fulan neen ho nia medida metru atus haat (400 m).

Objetivu prevee orsamentu ba konstrusaun Gabiaun atu proteje área natar 28 hektar, no totál benefisiáriu uma kain 106 iha aldeia Oebaha Suku Bobometo sub-rejiaun Oésilo.

Entretantu projetu konstrusaun gabiaun Noel Ekat aldeia Tumin Suku Bobometo Sub-rejaiun Oésilo metru atus walu (800) hosi kompañia Vanila Unip Lda maka manán ne’ebé atinji ona 35% ho valór kontratu $ 458, 294.18 durasaun kontratu fulan 8.

Objetivu hosi projetu konstrusaun gabiaun Noel Ekat ho atu proteje mota entre fronteira Timor leste ho Indonezia tanba mota sobu no estraga ita-nia rai ita tenke proteje ho gabiaun, iha tinan kotuk Autoridade konstrui gabiaun ho metru atus lima (500) no tinan ida ne’e aumenta gabiaun 800 metru.

Tinan-tinan tenke atensaun tau orsamentu hodi proteje área potensiál iha fronteira hanesan soberanu Timor leste liuliu RAEOA, no proteze mós natar ho perturbasaun bee mós Noel Ekat nian.

Projetu konstrusaun gabiaun Noel Ekat importante ba RAEOA no importante ba Timor leste tanba área fronteira.