S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Agrikultura, Sr. Jose Eta, Sekretariu Rejional Asuntu Komersiu no Industria Sr. Pedro da C. B. da Silva, Diretor Rejional Infraestrutura Sr. Candido dos reis Amaral, iha kuarta-feira ne’e halo fiskalizasaun ba projetu konstrusaun estrada rejionál hosi aldeia Oébaha suku Bobometo liga ba aldeia Buqui Suku Usi-tasa’e atinji 8%.

Ohin vizita projetu konstrusaun estrada rejionál Oébaha-Bitopa atu aselera tanba estrada nasionál Tono-Oésilo la’o makas ona no estrada rejionál Oébaha sa’e ba Saben sai hanesan dalan alternativu ba movimentu komunidade nian.

Projetu konstrusaun estrada rejionál Oébaha-Bitopa ho distánsia kilo kilómetru 7 manán hosi kompañia Irmão Timor Unip Lda ho valór kontratu $544,055.33 durasaun fulan sia (9) atinji ona 8%. Orsamentu ba projetu ne’e prevee hosi OJE 2023.