RAEOA; 18 Setembru 2023
S.E Prezidente Autoridade Rejiaun Administrativa Espesial Oé-cusse Ambeno, (RAEOA) no Zona Espesial Ekonomia Sosial no Merkadu (ZEESM TL) Sr. Arsénio Paixão Bano, akompaña hosi S.E. Sekretariu Rejional Asuntu Agrikultura, Sr. Jose Eta no Xefe Departamentu Estrada Ponte no Kontrolu e Cheias Sr. Camilo de Jesus Quefi, iha segunda-feira halo fiskalizasaun ba projetu konstrusaun iha Nunuhenu Suku Cunha ho Maumate suku Naimeko sub-rejiaun Pante Makassar ne’ebé atinji ona 15%.
Prezidente Autoridade RAEOA no ZEESM TL afirma katak vizita ne’e atu hare obra importante balun ne’ebé presiza halo antes udan tun, ida ne’e projetu gabiaun Nunuheno Suku Cunha ho Maumate suku Naimeko atu proteje zona Nunuhenu tanba tinan hirak liubá akontese mota tama ba área ida ne’e, halo estragus barak iha ne’e, entaun presiza halo protesaun ba konstrusaun turizmu relijiozu, natar no komunidade sira iha fatin refere.
Projetu ezekuta hosi kompañia Am-Lichoe Unip Lda ho valór kontratu $ 453, 987. 56, durasaun kontratu fulan neen (6) medida metru atus Walu (800) no progresu servisu atinji ona 15%. Ezekutiva ne’e garantia ba Kompañia katak sei kumpre kontratu no finaliza tuir durasaun kontratu molok udan tun.
Orsamentu ba projetu ida ne’e Autoridade RAEOA prevee hosi OJE 2023
